Diktant tu’rleri ha’m metodikasi

YADTAN JAZIW DIKTANTI
1. O’mir – izzet-hu’rmet penen go’zzal. 2. Insan qa’dirin miynet asıradı. 3. Na’psin tıyg’an hu’rmet tabadı. 4. Jası u’lkenlerge hu’rmet qılg’an adam qartayg’anda o’zi de hu’rmetke erisedi.


DO’RETIWSHILIK DIKTANT
1. Balalar, baqshası, jolda, bag’, ha’m, ta’rbiyashı, edi, barar.
2. Ka’rim Qaypanov, du’kan, qa’lem, da’pter, su’wret, aldı, papka satıp.
3. Azanda, ag’ash, qayıqsha, kirpitiken, qaldı, jawın, qarıwıl, ko’rip.


ERKIN DIKTANT


Sayaxat – ra’ha’t
1. Jaz ku’nlerinen biri edi. Azanda erte oyandıq. Kelisimge ko’re doslarım bizikine keldi.
2. Biz Ko’ktaw eteklerine jol aldıq. Taw bawırında maza qılıp dem aldıq. Shıpalı sho’pler terdik. Sayaxatımız mazmunlı o’tti.
3. Sayaxatta ko’rgenlerimizdi klassqa kelgennen son’ gu’rrin’ etip jazdıq.


BILIMLENDIRIWSHI DIKTANT


Analarımız bayramı
Jaqında analarımız bayramı boladı. Biz bul bayramdı jaqsı ku’tip almaqshımız. Ha’r birimiz kempir apamızg’a, anamızg’a, apa-sin’lilerimizge sawg’a tayarlap atırmız. Men oramalsha tigip qoydım. Sin’lim qutısha sog’ıp atır, a’jag’am sawg’a ushın albom tayarlag’an. Anamız ushın gu’l o’sirip atırmız. Bayramg’a shekem g’umshaları ashılsa kerek. Biz onı anamızg’a sawg’a etemiz.


III sherek


FEYIL


SO’ZLIK DIKTANT
Appaq su’t, qızıl lala, jasıl japıraq, tınıq aspan, mazalı alma, ashshı burısh, suwlı shabdal, ken’ u’y, taza shalbar.


SAYLANDI DIKTANT
1. Maydan ha’wliden (ken’irek). 2. Terek qayrag’ashtan (biyishirek). 3. Ig’bal Saradan (kishirek). 4. Zamir Alisherden ertek aytıwg’a (ustaraq). 5. (Aldın’g’ı) terimshiler sıylıqlandı. 6. (Jazdın’ ıssı) bir ku’ninde qozı suw ishiwge bardı.


TU’SINDIRMELI DIKTANT


Erte ba’ha’r
Ba’ha’r keldi. Aspanda bult ko’rinbeydi.
Quyash nurı dala ha’m tawlarda a’ste tarala baslaydı. Terek shaqalarında ele japıraq joq. Ayırım tereklerde tek bo’rtik ko’zge taslanadı. Uzaq-jaqınnan tu’rli quslardın’ sayrawı esitiledi.
Hawa jag’ımlı, taza. Ol adamg’a ra’ha’t bag’ıshlaydı. Erte ba’ha’r tan’ı jag’ımlı boladı.


Bu’lbil
Bu’lbil ju’da’ jag’ımlı sayraydı. Aprel, may aylarında erte tan’da onın’ jag’ımlı dawısı uzaq-uzaqlardan qulaqqa esitiledi. Bu’lbil sulıw qus. Bu’lbil gu’ldi jaqsı ko’redi. Gu’lzar a’tirapında ushıp ju’riwdi jaqsı ko’redi.Qısta ıssı ma’mleketlerge ushıp ketedi. Ba’ha’rde ja’ne bizin’ u’lkemizge qaytıp keledi.