Diktant tu’rleri ha’m metodikasi

SAYLANDI DIKTANT
1. (Ba’ha’r) – a’jayıp ma’wsim. Ba’ha’rde (hawa) ısıy baslaydı. Jen’il (samal) esedi. (Shabdal) gu’lleydi.
2. U’yge berilgen (tapsırma) an’sat eken. Onı orınlap, jazılıwı qıyın so’zlerdi (so’zlik) da’pterge jazdım. Son’ sorawlarg’a (juwap) beriwge tayarlandım.
3. (Kontsert) tamam boldı. (Na’wbetshi) xananı samallattı.


AYTIW DIKTANTI


Miynet sabag’ında
Oqıtıwshımız Rano Sultanova miynet sabag’ında bizge gu’l tigiwdi u’yretti. Ol aq materialg’a roza gu’l ha’m nilufar gu’l su’wretlerin sızıp berdi. Iynege sabaq o’tkeriwdi kim tez oırnlawın baqladı. Miyasar birinshi bolıp sabaqtı iynege o’tkerdi. Rano Sultanova da’slep a’piwayı sabaqlardı, son’ ashıq ren’li sabaqlardı isletiwdi tu’sindirdi. Biz miynet sabag’ında materialg’a gu’l tigiwdi u’yrendik.


BILIMLENDIRIWSHI DIKTANT


Mamıq
Lolanın’ ju’nleri mamıq, ko’zleri monshaqqa qusag’an sulıw pıshıg’ı bar. Lola og’an Mamıq dep at qoyg’an. Mamıq Lolag’a, Lola bolsa Mamıqqa u’yrenip qalg’an. Lola Mamıqtı erkeletedi. Onı jaqsı ta’rbiyalaydı. Lolanın’ dosları da Mamıqtı jaqsı ko’redi.


Ku’n ta’rtibine a’mel qılın’
Azanda oyang’annan son’, ornın’ızdan turın’. Azang’ı dene ta’rbiyası shınıg’ıwın islew ju’da’ za’ru’r. Suwıq suwda juwının’. Ol adamg’a tetiklik bag’ıshlaydı.
Asıqpay awqatlanın’. Sabaqqa keshikpen’. Ta’nepiste ashıq hawada oynan’. Sabaqtan son’ ku’n ta’rtibine a’mel qılın’. Dem alg’annan son’, sabaq tayarlan’ ha’m oynan’. Keshqurın o’z waqtında uyıqlawg’a a’detlenin’.


FEYIL
KO’RSETIW DIKTANTI


Mart
Mart - ba’ha’rdin’ birinshi ayı. Mart ayında ku’nler ısıy baslaydı. Atızlarda qızg’ın miynet baslanadı.
Tolıbay menen Murat quslarg’a uya soqtı. Uyanı u’ylerinin’ aldındag’ı terekke qoydı. Uyag’a quslardın’ kiriwin baqlap turdı. Bir a’jayıp qussh kelip, uyanın’ to’besine qondı ha’m sayray basladı. Balalar ju’da’ quwanıshlı boldı.