Диссертация Илмий раҳбар: проф. Г. Х. Ибрагимова Тошкент 2013 Магистрлик диссетацияси иши "Иқтисодий педагогика"

ХУЛОСА ВА ТАВСИЯЛАР

Тадбиркорлик ва кичик бизнес фаолиятига эътибор сўнгги йилларда алоҳида аҳамият касб этмоқда. Шу боисдан ишбилармонлик ва тадбиркорлик билан шуғулланувчи ҳар қандай шахсдан ахлоқ-одоб меъёрларига амал қилиш талаб этилади. Ишбилармон ва тадбиркорнинг шахсий хусусиятларини шакллантириш орқали бунга эришиш лозимдир. Шериклар ўртасидаги ўзаро муносабатда шахс ахлоқ-одобининг ўрни алоҳида аҳамиятга эга. Хизмат юзасидан муносабатларга қўйиладиган масъулият ва асосий талабларни олдиндан билиб, унга тайёр ҳолатда иш бошлаш ишнинг самарали бўлишини таъминлайди.

Тадбиркорнинг муҳим хусусиятларини мутахассисларда бугунги кунданоқ шакллантириш мақсадида уларнинг қизиқиш, қобилият, лаёқат ва имкониятларини ҳисобга олган ҳолда турли машғулотлар олиб борилди. Натижада мутахассислар келажакда ўз тадбиркорлик ва кичик бизнес фаолиятини аниқ режалашга эришишди. Ҳар бир бўлғуси тадбиркор фаолиятни бошлашидан олдиноқ ўз келажагини режалаштира олса, демак фаолиятнинг самарали бўлишини кафолатлаш мумкин.
Шу ўринда тадбиркорлик билан шуғулланишни истаган ўқувчи-талабаларга қуйидаги фазилатларни ўзларини шакллантиришларини тавсия этиш мақсадга мувофиқдир:
1. Ташаббускор ва имкониятларни излаш.
2. Қатъиятлилик ва тиришқоқлик.
3. Таваккалчиликка доим тайёр бўлиш.
4. Самарадорликни ҳамда сифатни ўз олдига мақсад қилиб қўйиш.
5. Масъулиятни ўз зиммасига олиш.
6. Мақсадни аниқ қўйиш ва унга интилиш.
7. Максимал даражада ахборотга эга бўлиш.
8. Мунтазам равишда режалаштириш ҳамда кузатув(назорат).
9. Ўзгаларни кўндириш ва алоқа ўрнатиш қобилияти.
10.Мустақиллик ва ўз кучига ишониш.
Шу билан бирга ҳар бир шахс ўзида қуйидаги фикрга жавоб топиши лозим:
а) Ҳар бир кимса ўз қўлидан келадиган иш билан шуғулланиши керак. Пул қилиш ҳам бир касбдир.
б) Сиз ўзингизнинг нимага қодир эканлигингизни билиб олишингиз керак.
Тадбиркорлик оламига кириб боришда қуйидагиларга риоя этиш лозим:

1. 
   Мен пул топишим мумкин, деган қатъий хулосага келинг.
   
2. 
   Пул топишингиз учун сиз бу тўғрида ҳар доим ўйлашингиз керак.
   
3. 
   Сиз муваффақият қозонишингиз мумкин бўлган соҳалар жуда кўп. Улардан ўзингизга мосини қидириб топишингиз керак.
   
4. 
   Сиз албатта хато қиласиз. Лекин қайғурманг. Ўзингиз ва ўзгалар хатоларидан хулоса чиқаринг. Тўхтаган жойингиздан яна ҳаракатни бошланг. Олға ҳаракат қилинг.
   
5. 
   Маълум бир ғояни танлаганингиздан сўнг уни ҳар томонлама чамалаб чиқинг, ривожлантиринг ва албатта амалга оширишга ҳаракат қилинг.
   

Умуман, тадбиркорлик фаолияти билан шуғулланиб фойда топмоқчи бўлсангиз, бутун вужудингизни, куч-ғайратингизни шу мақсадга эришиш учун сарфланг.