Тўй ва маросимларни тартибли ўтказиш бўйича фуқаролар йиғинларига тавсиялар

Тўй ва маросимларни тартибли ўтказиш бўйича фуқаролар
йиғинларига тавсиялар

1. 
   Маҳаллада вақти-вақти билан тўй-ҳашам ва оилавий тадбирларни ихчам, кенг аҳоли манфаатларини, миллий қадрият ва анъаналарни ҳисобга олган ҳолда, ижтимоий табақаланишга йўл қўймасдан ўтказиш бўйича жамоавий суҳбатлар ташкил этиш;
   
2. 
   Фуқаролар йиғини ҳузурида тўй-ҳашамлар, оилавий тантаналар, маърака ва маросимлар, марҳумларнинг хотирасига бағишланган тадбирлар ўтказилишини тартибга солиш масалалари бўйичакомиссияситаркибини кўпни кўрган, обрў-эътиборга эга, касбий ва маънавий салоҳияти юқори бўлган, фаол, фидойи, ташаббускор, ҳисобига тўлдириш.
   
3. 
   Ҳудуднинг ўзига хос хусусиятларини инобатга олган ҳолда тўй-ҳашамлар, оилавий тантаналар, маърака ва маросимлар, марҳумларнинг хотирасига бағишланган тадбирларнинг тартибини қайта кўриб чиқиш. Бунда миллий қадриятларимиз ва урф-одатларимизга тўғри келмайдиган ҳар қандай дабдабабозлик ҳолатларининг олдини олишга эътибор қаратиш.
   
4. 
   Миллий қадриятларимизга зид бўлган, ижтимоий табақаланишни юзага келтираётган иллатларга қарши жамоатчиликнинг фаол муносабатини шакллантириш.
   
5. 
   Комиссия аъзоларининг тўй ва турли оилавий тадбирлар ўтказиш арафасидаги оилалар, уларнинг аъзолари билан суҳбат ўтказиш, тегишли жамоатчилик талабларини тушунтириш ишларини қатъий анъанага айлантириш.
   
6. 
   Тўй ва маросимларнинг тартибли ўтишини мунтазам назорат қилиш мақсадида комиссия аъзоларига маҳалла ҳудуди (кўчалар ва кўп қаватли уйлар)ни тақсимлаб бериш ва улардан белгиланган муддатларда ҳисоботини эшитиб, муҳокама қилиш.
   
7. 
   Ҳудудда режалаштирилган ҳар қайси тўй ва маросимларни ўтишидан хабардор бўлиш, тадбирлар ўтказиладиган жой, чақириладиган меҳмонлар сони, таклиф этилганлар бўйича аниқ маълумотга эга бўлиш ва зарур ҳолларда жамоатчилик таъсирини ўтказиш.
   
8. 
   Тўй ва оилавий маросимларнинг халқимиз удумларига мос меъёр талаблари асосида ва тартибли ўтказилишига эришиш мақсадида уларда комиссия раиси ҳамда аъзоларининг иштирокини таъминлаш.
   
9. 
   Тўй ва бошқа тадбирларни тартибли ўтказишда фуқаролар йиғини раиси, йиғин ходимлари, комиссия аъзоларининг шахсий ибрати, масъуллиги ва фаоллигини кўрсатиш.
   
10. 
    Маҳаллаларда аҳоли ўртасида тўй ва бошқа маросимларни дабдабали ўтказиш ўрнига ҳудуддаги эҳтиёжманд, якка-ёлғиз, боқувчисини йўқотганлар, ногиронлар, етимларга меҳр-мурувват кўрсатиш ишларини ташкил этишни кенг тарғиб этиш.
    
11. 
    Ижобий анъаналар, тўй ва бошқа маросимларни намунали ташкил қилиш, тадбирларни мазмунли ва тартибли ўтказишнинг тарбиявий аҳамияти тўғрисида оммавий ахборот воситалари орқали чиқишлар қилиш.