Dori vositalari va yordamchi moddalarga qo’yilgan talablar

YORDAMCHI MODDALAR

Yordamchi moddalar deb tabiiy yoki sintetik tabiatga ega boʼlgan, dori turlarini tayyorlashda ishlatiladigan, turli fizik-kimyoviy xususiyatlari bor moddalarga aytiladi.

Tibbiyot sanoatida aksariyat yordamchi moddalar shu maqsad uchun ishlab chiqarilmaydi. Shuning uchun ularni kimyo, oziq-ovqat, togʼ jinslari sanoatiga ishlab chiqarilgandan foydalaniladi

Yordamchi moddalarga qoʼyiladigan talablar:

• 
  tibbiyot amaliyotida qoʼllashga ruxsat etilgan boʼlishi;
  
• 
  dori moddasini farmakologik taʼsirini uning farmakokinetikasini taʼminlagan holda saqlab qola olishi va yuzaga chiqishiga toʼsqinlik qilmasligi;
  
• 
  dori moddasining fizik-kimyoviy, texnologik, farmakologik xossalariga va biosamaradorligiga taʼsir koʼrsatmasligi;
  
• 
  kerakli miqdorda ishlatilgan yordamchi moddalar biologik jihatdan bezarar boʼlishi, organizmning biotoʼqimalariga zarar yetkazmasligi, shuningdek allergik va toksik taʼsirlarni yuzaga chiqarmasligi;
  
• 
  ishlab chiqarishda foydalaniladigan asbob-uskunalar va apparat yoki qurilmalarga yoxud ularning ayrim ishchi qismlariga salbiy taʼsir koʼrsatmasligi;
  
• 
  dori moddalariga dori shakllari talab qiladigan hossalarni bera olishi (tuzilish-mexanik, fizik-kimyoviy, imkoni boʼlsa biosamardorlik va boshq.);
  
• 
  dori moddasining rangi, hidi va mazasiga salbiy taʼsir koʼrsatmasligi;
  
• 
  dori vositalarini saqlash davomida dori moddalari bilan kimyoviy, fizik-kimyoviy jihatdan mos kelishi, qadoqlovchi materiallar, asbob-uskunalar va qurimalarning ishchi qismlariga zarar yetkazmasligi;
  
• 
  turgʼun va saqlanish muddati uzoq boʼlishi;
  
• 
  mahalliy, iqtisodiy jihatdan arzon boʼlishi va oson topilishi boʼlishi kerak.