Dunyoqarashning tarixiyligi yana shundaki, u ma’lum bir jarayonda

Qadimgi Sharq falsafasi va uning milliy yo‘nalishlari. Sharq

qadimiy madaniyat o‘chog‘i va jahon sivilizatsiyasining beshigi

deya bejiz ta’riflanmagan. Zero, Sharqning o‘ziga xosligi, unga

mansub bolgan madaniy taraqqiyot ja h o i sivilizatsiyasining

beshigi, dunyo xalqlari rivojiga qo‘shilgan munosib hissa ekani

ham sir emas.

Sharq madaniyati taraqqiyotining ilk davrlari deganda,

ko‘pgina mutaxassislar bizning Vatanimiz o‘tmishini, Misr, Bobil

va insoniyat tarixining eng qadimgi sivilizatsiyalaridan biri

bo‘lgan Shumer davrlarini, qadimgi Xitoy va Hindiston diyorida

yashagan xalqlarning ma’naviy merosini esga oladi. Bularning

har biri insoniyat tarixida jamiyat hayoti, qadriyatlar tizimining

o‘ziga xosligi, boshqarish va iqtisodiy jarayonlarning muayyan

tarzda namoyon bolishi bilan tavsiflanadi. Ushbu madaniyat

o‘choqlari haqida maktab ta’limi jarayonida «Eng qadimgi tarix»

darsliklari orqali ma’lumot berilgan. Zukko talabalar o‘sha davrlarda

qanday siyosiy jarayonlar kechgani, qanday podsholik va

imperiyalar bolganini yaxshi biladi. Biz bugun o‘sha davrlardagi

falsafiy dunyoqarash, qadimgi ajdodlarimizning fikr-mulohazalari,

o‘ziga xos ta’limotlarining asosiy tamoyillari bilan yaqinroq

tanishmoqchimiz.