E-qaror gov uz 98-11-156-Q/23

muhandislik xizmati — tinchlik davrida himoya inshootlari fondi to’planishi
va mavjud bo’lishi ustidan nazoratni tashkil etish va amalga oshirish, boshlang’ich
hududlarda zararlangan joylar tomonga harakat qilinganda, halokatli suv bosishi
zonalarida va ishlar olib boriladigan ob’ektlarda, yirik yong’inlarni o’chirishda,
tabiiy ofatlar, yirik avariyalar va halokatlar oqibatlarini tugatishda FVDTning
kuchlari harakatlarini muhandislik jihatdan ta’minlash uchun favqulodda
vaziyatlarni bartaraf etish ishlariga jalb etiladigan tegishli tuzilmalarni tayyorlash va
ularning harakat qilishini tashkil etish;
kommunal-texnika xizmatlari  — kommunal xo’jaligi inshootlari va
tarmoqlari ishlarining barqarorligini oshirish bo’yicha tadbirlarni amalga oshirish,
ulardagi avariyalarni bartaraf etish, halok bo’lganlarga maxsus ishlov berish, tashish
va ommaviy ko’mish shoxobchalarini tuzish va ularning faoliyatini tashkil etish;
moddiy-texnika ta’minoti xizmati — evakuatsiya qilinadigan aholini eng
zarur buyumlar va anjomlar (kiyim-bosh, poyabzal va shu kabilar) bilan
ta’minlashni tashkil etish, tuzilmalarning shaxsiy tarkibini anjomlar va maxsus

---

e-qaror.gov.uz
98-11-156-Q/23
43
kiyim-bosh, shuningdek, iqtisodiyot ob’ektlarini ularning barqaror faoliyat
ko’rsatishi va buzilgan ishlab chiqarishni tiklash uchun zarur bo’lgan moddiy-
texnika vositalari va qurilish materiallari bilan ta’minlash;
tibbiy xizmat — aholi va tegishli tuzilmalarning shaxsiy tarkibi sog’lig’ini
saqlashga, jabrlanganlar va bemorlarga o’z vaqtida tibbiy yordam berishga
yo’naltirilgan davolash-evakuatsiya, sanitariya-gigiena va epidemiyaga qarshi
tadbirlarni tashkil etish va amalga oshirish;
sanitariya ishlovini berish va zararsizlantirish xizmati  — zararlanish
joylaridan chiqqan odamlarga sanitariya jihatidan ishlov berish, ularning kiyim-
boshlari va yakka tartibdagi himoyalanish vositalarini zararsizlantirishni tashkil etish
va amalga oshirish;