Egamberdiyeva Salima Rayimovna moliyaviy va boshqaruv hisobi

XARAJATLAR - hisobot davrida aktivlarning kamayishi yoxud 
majburiyatlarning ko‘payishidir. 
XARAJATNING BAHOSI – ishlab chiqarilgan mahsulotning 
tannarxiga asoslangan baho. Ushbu baho rentabellik bo’sag’asini o’rnatish 
uchun qo’llaniladi. 
XARAJATLARNI BAHOLASH USULI – xarajatlarning tarkibi 
“har xil maqsadlar uchun har xil tannarx“ shartida aniqlash usuli. Ya’ni, 
muqobil xarajatlar, meyoriy xarajatlar va qisman xarajatlarning hajmiga 
asosan hisoblangan to’liq tannarx. 
XUSUSIY SARMOYA - subektning majburiyatlarni chegirib 
tashlagandan keyingi aktivlaridir. 
«XO‘JALIK HISOBI» - bu iqtisodiyotning turli bo‘g‘inlarida yuz 
bergan va berayotgan hodisa va jarayonlar, ularni natijalarini miqdoriy va 
sifat jihatdan xarakterlovchi axborotlarni yig‘ish, qayd etish, guruhlash va 
uzatish tizimidir. 
XO‘JALIK FAOLIYATI deganda u tomonidan foyda olish 
maqsadida olib borilayotgan hamda mazmunan alohida nomlardagi 
faoliyat turlarini tashkil qiluvchi xo‘jalik jarayonlari va operatsiyalari 
(muomalalari) majmuasi tushuniladi. 
XO‘JALIK FAOLIYATINING NATIJALARI bo‘lib ular olgan 
foyda yoki ko‘rgan zararlari hisoblanadi. 
XO‘JALIK JARAYONI deganda korxonada yuz bergan va 
berayotgan ma’lum muomalalar yig‘indisi tushuniladi. 
XO‘JALIK OPERATSIYASI (MUOMALASI) deganda korxonada 
yuz bergan va berayotgan aniq xarakatlar, ishlar tushuniladi. 
VALUTA KURSI - bir valutani ikkinchisiga almashtirishdagi nisbat. 
Rivojlangan davlatlardagi valuta kurslari dollarga nisbatan shu davlatlar 
hukumati tomonidan belgilanmay, balki xalqaro valuta bozoridagi talab va 
taklifdan kelib chiqib stixiyali ravishda vujudga keladi. 
VASIQA DISKONTI - vasiqa hisobi - ularning muddati tugagunga 
qadar vasiqalarning bank tomonidan sotib olinishi.