Ekonomika fakulteti

II BAP. BANK MEKEMELERINDE AKTIV OPERACIYALAR ESABIN JETILISTIRIW
2.1. Aktiv operaciyalardıǹ tiykarǵı bólegi sıpatında kredit esabın jetilistiriw
Kredit operaciyaları banklerdiń riskli aktiv opreaciyaları quramına kirip, bankler usı operaciyalar esabınan daramatlardı qáliplestiriliedi. Bank aktiv opreaciyalarınıń risk dárejesi qanshelli joqarı bolsa onnan kútilip atırǵan paydanıń dárejesi de sol dárejede joqarı boladı. Ózbekstan kommerciyalıq bankleri tiyisli normativ hújjetler tiykarında fizikalıq hám yuridik shaxslarlarǵa milliy valyutada hám shet el valyutasında kreditler beredi. Kommerciyalıq bankleri fizikalıq shaxslar hám yuridikalıq shaxslarǵa kreditlerdi beriw, kredit ushın payız tólemleri hám onıń tiykarǵı summasın óndiriw menen baylanıslı opreaciyalardı basqıshpa-basqısh kórip shıǵamız.
Bank hám kredit alıwshı ortasında kredit shártnaması dúziledi, yuridik shaxslar tiykarǵı esapbeti ashılǵan bank penen kredit shartnamasın dúzedi. Yuridik shax penen dúziletuǵın kredit shartnamada tómendegi hújjetler bolıwı kerek:
-balans hám finanslıq esabatlar;
-biznes reje;
-kredit táminatı boyınsha hújjet;
-zárúr jaǵdaylarda (kredittiń túrine qarap) basqa qosımsha hújjetler talap etiliwi múmkin.
Fizikalıq shaxs penen dúziletuǵın kredit shartnamada tómendegi hújjetler bolıwı kerek:
-kredit alıwshınıń pasport nusxası;
-jumıs ornınan islewi haqqındaǵı maǵlıwmatnama;
-is haqısı haqqındaǵı maǵlıwmatnama;
-kredit táminatı boyınsha hújjet;
-zárúriy jaǵdaylarda (kredittiń túrine qarap) basqa qosımsha hújjetler talap etiliwi múmkin.
Bank tárepinen berilgen kreditler boyınsha alınǵan kepillikler kredit berilgen barlıq múddet dawamında buxgalteriya esapbetler rejesiniń 94503-«Girew sıpatında alınǵan kepillikler» esapbetinde esapqa alıp barıladı. Kredit ajıratıw ushın qarar qabıl etilgennen keyin birinshi náwbette ssuda esapbetleri ashıladı. Bankler tárepinen fizikalıq hám yuridik shaxslarǵa ashılgan ssuda esapbetleri xarakteri boyınsha aktiv esaplanıp, olar boyınsha qarjılardıń kóbeyiwi, yaǵnıy kredit berilgende hám berilgen kredittiń qaldıq summası debette, qarjılardıń kemeyiwi, yaǵnıy kredit qaytarılǵanda bolsa kredit tárepinen kórsetiledi.
Fizikalıq hám yuridik shaxslarǵa ssuda esapbeti ashıw ushın kredit shartnamasına tiykarınan kredit bólimi buxgalteriya bólimine párman beredi. Ssuda esapbetleri bank buxgalteriya esapbetleri rejesiniń aktiv sanlarında ashılıp, jigirma sannan ibarat. Máselen, fizikalıq shaxsqa uzaq múddetli tutınıw kredit alıw ushın ashılǵan ssuda esapbeti tómendegi kóriniste boladı.
14901 000 2 00004567 001


Tártip nomeri
Kredit alıwshınıń kodı
Ssuda esapbetiniń qadaǵalaw klyuchı
Ssuda swmda beriledi