Ekonomika fakulteti

4-súwret. Fizikalıq shaxstıń ssuda esapbeti
Tómende jeke menshik isbilermenge berilgen qısqa múddetli kredit ushın ashılǵan ssuda esapbetleriniń kóriniwin keltirilgen.
13101 000 4 00004567 001

Tártip nomeri

Kredit alıwshınıń kodı
Ssuda esapbetiniń qadaǵalaw klyuchı
Ssuda swmda beriledi
5-súwret. Jeke menshik isbilermenniń ssuda esapbeti
Fizikalıq hám yuridik shaxlarǵa berilip atırǵan kreditler kredit shartnamasına tiykarlanıp kredit alıwshınıń tólem tapsırması menen tovar jetkerip bergen yamasa xızmetler kórsetken xojalıq júritiwshi subekttiń esapbetine ótkerip beriledi. Tómendegi fizikalıq hám yuridik shaxslarǵ berilgen kreditlerdiń buxgalteriya jazıwların rasmiylestiriw tártibi keltirilgen.
Bank fizikalıq shaxsqa kredit berdi.
Debet 14901-«Fizikalıq shaxslarǵa berilgen uzaq múddetli kreditler»
Kredit 10301 yamasa 16301 yamasa 202XX (satıwshı yamasa xızmet kórsetiwshi)
Bank yuridik shaxsqa kredit berdi.
Debet 13101-«Fizikalıq shaxslarǵa berilgen uzaq múddetli kreditler»
Kredit 10301 yamasa 16301 yamasa 202XX (satıwshı yamasa xızmet kórsetiwshi)
Bunan tısqarı is haqıǵa berilgen kredit kredit alıwshınıń esapbetine ótkerip beriliwi múmkin, sonday aq, kommerciyalıq bankleriniń kredit siyasatında kózde tutılǵan bolsa fizikalıq shaxslarǵa úy jayın rekonstrukciyalaw maqsetinde berilip atırǵan kreditlerdiń belgili bólegi olardıń atına ashılǵan plastik kartochkalarǵa ótkerip beriliwi múmkin. bunday hallarda tómendegi buxgalteriya jazıwları ámelge asırıladı.
Bank kreditin fizikalıq shaxstıń plastik kartochkasına ótkerdi.
Debet 14901-«Fizikalıq shaxslarǵa berilgen uzaq múddetli kreditler»
Kredit 22618 -«Fizikalıq shaxslardıń plastik kartochkaları boyınsha májbúriyatlar»
Bank kreditin yuridik shaxstıń múddetsiz depozit esapbetine ótkerdi.
Debet 13101-«Jeke menshik karxanalar, xojalıq shirketleri hám jámiyetlerge berilgen qısqa múddetli kreditler»
Kredit 20208 -« Jeke menshik karxanalar, xojalıq shirketleri hám jámiyetlerdiń talap etip alǵanǵa shekem saqlanatuǵın depozitleri»
Bank berilgen kreditlerge kredit shartnamada kelisilgen kúnlik payızların esaplaydı hám tiyisli esapbetinde esapqa alıp baradı. Fizikalıq shaxsqa berilgen kredit boyınsha payız esaplandı.
Debet 16309-«Kreditler boyınsha esaplangan payızlar»
Kredit 44301-«Fizikalıq shaxslarǵa berilgen uzaq múddetli kreditler boyınsha payızlı daramatlar»
Yuridik shaxsqa berilgen kredit boyınsha payız esaplandı.
Debet 16309-«Kreditler boyınsha esaplanǵan payızlar»
Kredit 42605-«Jeke menshik karxanalar, xojalıq shirketleri hám jámiyetlerge berilgen múddeti ótken kreditler boyınsha payızlı daramatlar»
Bank tárepinen esaplanǵan payızlar banktiń memorial orderi tiykarında kredit alıwshınıń esapbetinen óndirip alınıwı yamasa kredit alıwshınıń tólem tapsırmasına tiykarlanıp tólep beriledi. Fizikalıq shaxslar is haqıdan, plastik kartochkadan yamasa naq pulda tólep beriwleri múmkin.
Fizikalıq shaxstan kreditke esaplanǵan payız óndirip alındı.
Debet 10301 yamasa 22618 yamasa 10101
Kredit 16309-«Kreditler boyınsha esaplanǵan payızlar»
Yuridik shaxstan kreditke esaplanǵan payız óndirip alındı.
Debet 20208 -«Jeke menshik karxanalar, xojalıq shirketleri hám jámiyetlerdiń talap etip alǵanǵa shekem saqlanatuǵın depozitleri»
Kredit 16309-«Kreditler boyınsha esaplanǵan payızlar»
Eger esaplanǵan payızlardı tólew ushın yuridik shaxstıńesapbetinde qarjılar jeterli yamasa joq bolsa, bank usı summaǵa memorial order rasmiylestirip kartoteka ekige jaylastırıladı, qarızdardıń esapbetinde qarjı júzege kelgende tólem izbe izligine ámel etken halda, dáslep kredit payızları óndiriledi hám onnan soń kredittiń tiykarǵı summası sóndiriledi.
Berilgen kreditler shartnama tiykarında kelisilgen kestege tiykarlanıp kredit alıwshınıń tólew tapsırması yamasa bank memorial orderi tiykarında olardıń esapbetindegi qarjılar esabınan sóndiriledi, fizikalıq shaxslar bankten alǵan kreditlerdi is haqı esabınan, plastik kartochkasınan yamasa naq pulda sóndiriwi múmkin.
Bank fizikalıq shaxstıń kreditin tóledi.
Debet 10301 yamasa 22618 yamasa 10101
Kredit 14901-«Fizikalıq shaxslarǵa berilgen uzaq múddetli kreditler»
Bank yuridik shaxstıń kreditin tóledi.
Debet 20208 -«Jeke menshik karxanalar, xojalıq shirketleri hám jámiyetlerdiń talap etip alǵanǵa shekem saqlanatuǵın depozitleri»
Kredit 13101-«Jeke menshik karxanalar, xojalıq shirketleri hám jámiyetlerge berilgen qısqa múddetli kreditler»
Eger keste boyınsha kreditti sóndiriw múddeti kelgende yuridik shaxstıń esapbetinde qarjıları jeterli yamasa joq bolsa bank usı summaǵa memorial order hújjetlestirilip kartoteka ekige jaylastırıladı hám keleside belgilengen tártipte óndirip alınadı. Kredit alıwshılardıń qarjıları joq bolǵanlıǵı sebepli alınǵan kreditler múddetinde tólenbese usı kreditler múddeti ótken kreditler esapbetinde esapqa alınadı.
Fizikalıq shaxslarǵa berilgen, lekin múddetinde qaytpaǵan kreditler boyınsha
Debet 14905 -«fizikalıq shaxslarǵa berilgen shártleri qayta kórip shıǵılgan uzaq múddetli kreditler»
Kredit 14901-«Fizikalıq shaxslarǵa berilgen uzaq múddetli kreditler»
Yuridik shaxslarǵa berilgen, lekin múddetinde qaytpaǵan kreditler boyınsha
Debet 13105-«Jeke menshik karxanalar, xojalıq shirketleri hám jámiyetlerge berilgen múddeti ótken kreditler»
Kredit 13101-«Jeke menshik karxanalar, xojalıq shirketleri hám jámiyetlerge berilgen qısqa múddetli kreditler»
Bank múddetine qaytpaǵan hám uzaq waqıt dawamında mashqalalı esaplanǵan kreditlerdi qaytarıp alıw ushın xojalıq sudlarına dawa arizaları kiritiwi múmkin. Bankler berilgen kreditlerin Oraylıq banktiń «Kommerciyalıq bankleri hám olardıń filialları tárepinen aktivler sıpatın klassifikaciyalaw, ssudalar boyınsha júzege keliwi múmkin bolǵan joǵaltıwlar ornın qaplaw ushın shólkemlestiriletuǵın rezervin qáliplestiriw hám onnan paydalanıw tártibi»ne tiykarlanıp (1999 jıl, 11 fevral, Adillik ministrliginde №632 sanı menen dizimge alınǵan) bes toparǵa ajıratqan halda klassifikaciyalaydı hám rezerv qaliplestiriledi. Bes gruppa hám tiykarǵı qarızǵa salıstırǵanda rezerv esaplanatuǵın rezervi muǵdarı tómendegishe keltirilgen.

1. 
   Jaqsı-0
   
2. 
   Standart-10
   
3. 
   Substandart-25
   
4. 
   Gumanlı-50
   
5. 
   Úmitsiz-100
   

Bank fizikalıq shaxsqa berilgen kredit boyınsha joǵaltılıwı múmkin bolǵan rezervlerdi qaplaw ushın rezervti qáliplestirdi.
Debet 56802- «Kreditler boyınsha kóriliwi múmkin bolǵan zıyanların bahalaw»
Kredit 14999-«Fizikalıq shaxslarǵa berilgen uzaq múddetli kreditler boyınsha kóriliwi múmkin bolǵan zıyanların qaplaw rezervi (kontr-aktiv)»
Bank yuridik shaxsqa berilgen kredit boyınsha joǵaltılıwı múmkin bolǵan rezervlerdi qaplaw ushın rezervti qáliplestirdi.
Debet 56802- «Kreditler boyınsha kóriliwi múmkin bolǵan zıyanların bahalaw»
Kredit 13199-«Jeke menshik karxanalar, xojalıq shirketleri hám jámiyetlerge berilgen qısqa múddetli kreditler boyınsha kóriliwi múmkin bolǵan zıyanların qaplaw rezervi (kontr-aktiv)»
Kommerciyalıq bankleri 2011 jıl sentyabr`den baslap, Oraylıq banktiń joqarıda atap ótken tártibine (632-2) tiykarlanıp bank aktivleri boyınsha itimallıq joǵaltıwlarǵa qarsı qáliplestirilgen arnawlı rezervler summasına teń muǵdardaǵı qarjılardı wákillik esapbetlerinen Oraylıq banktegi bank aktivleri boyınsha itimallıq joǵaltıwlardı qaplaw ushın májbúriy rezerv depozitine ótkeredi. Buǵan tómendegishe buxgalteriya jazıwı beriledi.
Debet 10301- «Oraylıq banktegi esapbeti -Nastro» yamasa klienttiń depozit esapbeti
Kredit Oraylıq banktegi bank aktivleri boyınsha itimallıq joǵaltıwlardı qaplaw ushın májbúriy rezerv esapbeti
Usı rezerv depoziti hár aydıń 10, 20-sánlerin hám ay juwmaǵı boyınsha qáliplestirilgen aktivlerdiń itimallıq joǵaltıwlarına qarsı rezerv summasınan kelip shıǵıp qayta esap-kitap qılınadı.
Bank basqarıwı qararına tiykarlanıp (bul halat júdá kemnen kem hallarda ámelge asırılıp, Basqarıw qararın qabıl qılıw ushın tiyisli komissiya juwmaqları xojalıq sudlarınıń qararları hám basqa qánigelerdiń juwmaqları kerek boladı) qáliplestirilgen rezerv esapbetinen sóndirgende tómendegi buxgalteriya jazıwları hújjetlestiriledi.
Fizikalıq shaxslarǵa berilgen kreditler banktiń rezervi esabınan jabılǵanda.
Debet 14999-«Fizikalıq shaxslarǵa berilgen uzaq múddetli kreditler boyınsha kóriliwi múmkin bolǵan zıyanların qaplaw rezervi (kontr-aktiv)»
Kredit 14905 -«fizikalıq shaxslarǵa berilgen shártleri qayta kórip shıǵılǵan uzaq múddetli kreditler»
Yuridik shaxslarǵa berilgen kreditler banktiń rezervi esabınan jabılǵanda.
Debet 13199-«Jeke menshik karxanalar, xojalıq shirketleri hám jámiyetlerge berilgen qısqa múddetli kreditler boyınsha kóriliwi múmkin bolǵan zıyanların qaplaw rezervi (kontr-aktiv)»
Kredit 13105-«Jeke menshik kárxanalar, xojalıq shirketleri hám jámiyetlerge berilgen múddeti ótken kreditler»
Joqarıda bız kredit operaciyalarınıǹ buxgalteriyalıq esabına totap óttik, endi Hamkor bank Qaraqalpaqstan basqarması tárepinen berilgen kreditlerge itibar qaratatuǵın bolsaq, ol tómendegi kóriniske iye:
5-sızılma. Hamkor bank Qaraqalpaqstan basqarması tárepinen berilgen kredit túrleri (mln. swmda)
Usı berilgen kredit procentleri ózgerisi tómendegi sızılmada keltirilgen: