Ekskursiya obyektlarini tanlash va baholash

jozibadorligi – ya‘ni, obyektning betakrorligi, binolar, tarixiy-madaniy yodgorliklarning o‗ziga xosligi nazarda tutiladi. (Masalan: O‗rta Osiyoda eng baland minora bo‗lgan Buxorodagi 50 metrli Minorai Kalon).

• jozibadorligi – ya‘ni, obyektning betakrorligi, binolar, tarixiy-madaniy yodgorliklarning o‗ziga xosligi nazarda tutiladi. (Masalan: O‗rta Osiyoda eng baland minora bo‗lgan Buxorodagi 50 metrli Minorai Kalon).
• ta`sirchanligi - ya‘ni, obyektning tashqi jilosi, uni atrofdagi bino-inshootlar, landshaft bilan uyunligi inobatga olinadi.
• saqlanganligi- ya‘ni, ekskursantlarga ko`rsatilishi rejalashtirilayotgan obyektning hozirgi holati baholanadi.
• joylashuvi - obyektlarni tanlashda ular orasidagi masofa, yo`llar holati, guruhni joylashtirish uchun qulay joyning mavjudligi e‘tiborga olinadi.
• obyektni ko`rsatishdagi vaqt cheklovlari – ya‘ni, obyektlarni ko‗rsatishda mavsumiylikni, kunning ma‘lum bir soatini, oyning ma‘lum bir kunini hisobga olishni nazarda tutadi.
• Ekskursiya xizmati - jarayoni ekskursantga zerikish va qiziqishni pasayishiga olib kelmasligi uchun ko`p sonli obyektlar bilan to`ldirib qo`yilmasligi kerak. Ekskursiya xizmatining eng optimal davomiyligi 2-4 soat bo`lib, bu vaqt ichida ekskursant 10-20 ta obyektlarni ko`rishi mumkin.

Hozirgi vaqtda respublikamizda davlat ro`yxatida 7 mingdan ortiq tarixiy arxeologik va madaniy yodgorliklar, muzeylarimizda esa 10 mingdan ortiq eksponatlar saqlanmoqda. Shahar bilan tanishuv mavzusidagi ekskursiyada faqat tarixiy yodgorliklarni ko`rsatish noto`g`ri bo`ladi. Agar marshrutda yodgorliklardan tashqari boshqa inshootlar, ko`chalar, maydonlar, xiyobonlar, tarixiy joylar, tabiat yodgorliklari kiritilsa bu ekskursantlar taassurotini boyitadi. Yangi ekskursiya mavzusini tayyorlash jarayonida obyektlarni joyida o`rganish maqsadga muvofiqdir. Zarur ma‘lumotlarni kitob, albom, rasm kabi manbalardan olish mumkin. Gidning ekskursiya obyektini bevosita o`z joyida o`rganishi guruhni to`ri joylashtirishga, uni samarali ko`rsatishga yordam beradi. Obyektlar tanlangandan so`ng, har bir obyektga kartochka (pasport) tuziladi. Obyekt kartochkasi ma‘lumotlaridan shu va kelajakdagi mavzularni tayyorlashda ham foydalanish mumkin.