78. Шартнома шартларини бузиш ва молиявий жавобгарлик чоралари
қандай бўлади?
Стипендиат узрсиз сабабларга кўра хорижий таълим, илмий ёки бошқа
муассасаларнинг талабалари сафидан чиқарилган ёки Жамғарма таълим
дастурлари тугагандан сўнг у билан тузилган шартнома шартларига мувофиқ
вазирликлар, идоралар ва бошқа давлат ташкилотлари ёхуд давлат улуши мавжуд
бўлган ташкилотларда меҳнат фаолиятини давом эттиришдан бош тортган
тақдирда, Жамғарма томонидан уни ўқитишга сарфланган барча молиявий
харажатлар Стипендиат ва унинг молиявий кафиллари (юридик ва жисмоний
шахслар) томонидан солидар тартибда қоплаб берилади.
79. Агар Стипендиат турли хил сабабларга кўра тўрт томонлама
шартномани тегишли тартибда шахсан имзолай олмаса, бошқа киши унинг
номидан имзолай оладими?
Агар Стипендиат турли хил сабабларга кўра тўрт томонлама шартномани
шахсан имзолай олмаса, унинг номидан нотариал тасдиқланган умумий
ишончнома орқали вакил имзолаши мумкин.
7. ХОРИЖДА ТАЪЛИМ ОЛИШНИНГ ТУГАШИ ВА ЎЗБЕКИСТОНГА ҚАЙТИШ
80. Агар стипендиат ўзига боғлиқ бўлмаган сабабларга кўра (касаллик,
пандемия, уруш ҳолати) хорижда таълим дастурини тамомлай олмаса,
тегишли тарзда жавобгарликка тортиладими?
Шартнома шартлари томонларнинг иродаси ва фаолиятларига боғлиқ
бўлмаган табиат ҳодисалари (зилзила, кўчки, бўрон, қурғоқчилик, эпидемия,
карантин ва бошқалар), ижтимоий-иқтисодий ҳолатлар (уруш ҳолати, қамал,
давлат манфаатларини кўзлаб импорт ва экспортни тақиқлаш ва бошқалар) ёки
Стипендиат шахси билан чамбарчас боғлиқ бўлган ҳолатлар (Стипендиат ўлими,
ногиронлик ёки узоқ муддатли даволанишни талаб қиладиган оғир касаллик)
сабабли юзага келган шароитларда томонларга қабул қилинган мажбуриятларни
бажариш имконини бермайдиган фавқулодда, олдини олиб бўлмайдиган ва
кутилмаган ҳодисалар форс-мажор ҳолатлари деб эътироф этилади ҳамда томонлар
жавобгарликдан озод қилинади.
Do'stlaringiz bilan baham: |
