"эл-юрт умиди" жамғармаси фаолияти ва стипендиатларни

 
87. Стипендиатнинг академик ҳисоботи деганда нима тушунилади? 
Стипендиатнинг хорижда таълим олиш даврида ўқув жараёни билан боғлиқ 
бажарилган ишлар тўғрисида ҳисобот. Бунда ҳисоботда таълим олиш дастури 
бўйича маълумот, академик талабларнинг ва илмий тадқиқот ишининг бажарилиш 
ҳолати, қўшимча (мажбурий бўлмаган) фаолият ҳамда қўшимча ютуқлар 
тўғрисидаги маълумотлар акс этади. 
 
88. Стипендиатнинг молиявий ҳисоботи деганда нима тушунилади? 
Ўқиш қиймати учун Стипендиатнинг пластик картасига тўлаб берилган 
маблағлар ҳақиқатда тўланганлигини асословчи чек ёки квитанция билан ҳисобдан 
чиқарилиши. 
 
89. Стипендиат томонидан академик ва молиявий ҳисоботлар қачон 
топширилиши керак? 
Стипендиат ҳар семестрда таълим олиши тўғрисидаги илмий раҳбар (ёки 
координатор) ҳулосаси, баҳолари (транскрипт), академик ҳамда молиявий 
ҳисоботларини Жамғармага ҳар академик йил якунида 10 (ўн) кун муддатда 
топшириб боради. 
 

---

8. СТИПЕНДИАТНИ ИШГА ЖОЙЛАШТИРИШ, УНИНГ МЕҲНАТ 
ФАОЛИЯТИ ВА КАРЬЕРАСИ ЎСИШИ МОНИТОРИНГИ 
 
90. Стипендиатнинг мониторинги қандай тартибда ва нечта босқичда 
амалга оширилади? 
Жамғарма Стипендиати мониторингини олиб бориш икки босқичда амалга 
оширилади: 
биринчи босқич – Стипендиат нуфузли хорижий таълим, илмий ва бошқа 
муассасаларда таълим олаётган даври;
иккинчи босқич – хорижда таълим олиш дастурлари тугаганидан сўнг 
Ўзбекистон Республикасидаги вазирликлар, идоралар ва бошқа давлат 
ташкилотлари ҳамда давлат улуши мавжуд бўлган ташкилотларга ишга 
жойлашиши, ушбу мутахассисларнинг меҳнат фаолиятини ҳамда унинг касбий 
жиҳатдан ўсиши ва мансаб поғоналарида кўтарилиши жараёни (меҳнат фаолияти). 
91. Стипендиатнинг мониторинги деганда нима тушунилади? 
Нуфузли хорижий таълим, илмий ва бошқа муассасаларда истиқболли 
мутахассисларнинг ўқишини таҳлил қилиш, унинг Ўзбекистонда муносиб ишга 
жойлашиши, ушбу мутахассисларнинг меҳнат фаолиятини ҳамда унинг касбий 
жиҳатдан ўсиши ҳамда мансаб поғоналарида кўтарилиши (меҳнат фаолияти)ни 
кузатиш жараёни.