Elektr dvigatel

Elektr dvigatel — elektr energiyasini mexanik energiyaga aylantirib beruvchi mashina. Isteʼmol qiladigan tok turiga koʻra, oʻzgarmas tok va oʻzgaruvchan tok Elektr dvigatellariga boʻlinadi. Oʻzgarmas tok E. dlarida valning aylanishlar chastotasi (soni)ni ravon rostlab turish mumkin. Shuning uchun valning aylanishlar chastotasini teztez oʻzgartirib turish lozim boʻlgan hollarda shunday dvigatellar ishlatiladi. Oʻzgarmas tok E.d, uch xil sxemali: parallel uygʻonishli, ketmaket uygʻonishli va aradash uygonishli qilib ishlab chiqarildi (rasmga q.). Oʻzgaruvchan tok Elektr dvigatel jumlasiga asinxron elektr dvigatel, sinxron va kollektorli dvigatellar (qarang Kollektorli mashina) kiradi. Asinxron Elektr dvigatel eng koʻp ishlatiladi. Sinxron Elektr dvigatelda valning aylanishlar chastotasi isteʼmol qilinadigan tokning chastotasiga qatiy bogʻliq boʻladi. Bunday dvigatellar eng quvvatli elektr yuritmalarda ishlatiladi. Elektr dvigatellar ochiq, berk va germetik turlarga boʻlinadi. Portlashga xavfsiz Elektr dvigatellar ham bor. Bunday dvigatelning ichida gaz portlaganda alanga tashqariga chiqmaydi. Elektr dvigatellar uyroʻzgʻorda, sanoat va transportda keng miqyosda ishlatiladi.

Elektrik dvigatellar


Elektr dvigatel haqida ma’lumot.
Elektr go‘shtqiymalagichda kollektorli universal elektr dvigatel keng ishlatiladi. Ularning quvvati 150W dan 180W gacha bo‘lishi mumkin.
Universal kollektorli elektr dvigatellar tuzilishi ketma-ket qo‘zg‘atishli o‘zgarmas tokli elektr dvigatelning tuzilishiga o‘xshash bo‘ladi. Farqi shundaki, universal kollektorli elektr
dvigatelning magnit o‘zaklari butunlay transformator po‘latli yaproqlaridan yig‘ilgan va qo‘zg‘atish chulg‘amlari qo‘shimcha chiqishlarga ega. Qo‘shimcha chiqishlar o‘zgarmas tokka ulanganda ishlatiladi, chunki o‘zgarmas tokda chulg‘amning qarshiligi faqat faol qarshilikdan iborat. Kollektorli elektr dvigatellar stator, yakor chulg‘amlari, yakor bir tekisda aylanishi uchun salnik, cho‘tkalardan tuzilgan.
Elektr dvigatel harorat darajasining me’yorini ta’minlash uchun parrak o‘rnatiladi. U yakorga mahkamlangan bo‘ladi, yakor aylanishi bilan parrak ham aylanadi.
Elektr dvigatelga