Электр энергетикаси тўғрисида

86. Савол: Электр энергиясини самарали узатиш ва фойдаланишдаги асосий омиллар нималардан иборат?
86. Жавоб: Электр энергиясини самарали узатишда асосий омиллар – бу электр энергиясининг давлат стандартларида белгиланган сифат кўрсаткичларини сақланиб туришидир. Шунингдек, ундан фойдаланишда эса амалдаги меъёрларга риоя қилиш ҳамда электр таъминоти шартномаси шартларида белгиланган электр энергиясини истеъмол қилиш режимларига риоя этиш.
87. Савол: Қувват коэффициенти нима?
87. Жавоб: Қувват коэффициенти – электр тармоғига актив-индуктив юклама уланган бўлса, фаза бўйича ток (I) кучланишдан (U) φ- бурчагига орқада қолади. Ушбу бурчакнинг косинуси (сosφ) қувват коэффициенти деб аталади.
88. Савол: Реактив энергияни компенсация қилишнинг асосий мақсадлари.
88. Жавоб: Реактив энергияни компенсация қилишдан асосий мақсад электр таъминоти корхоналарининг электр энергиясини тақсимлаш тармоқларида актив энергиянинг йўқолишининг олдини олиш.
89. Савол: ПГУ ва ГТУ қурилмалари тўғрисида қандай маълумотларни биласиз?
89. Жавоб: ГТУ (Газотурбинная установка) ушбу қурилмада ёқилғи (табий газ ёки суюқ ёқилғи) ёнишидан ҳосил бўлган катта босимли атмосферанинг механик энергияси электр энергиясига айлантирилади.
ПГУ (Парогазовой установки) ушбу қурилмада иккита генератор мавжуд бўлиб, асосий генератор ёқилғи (табий газ ёки суюқ ёқилғи) ёнишидан ҳосил бўлган катта босимли атмосферанинг механик энергияси электр энергиясига айлантирилади.
Иккинчи генераторда асосий генераторни ҳаракатга келтирувчи ёқилғи (табий газ ёки суюқ ёқилғи) ёнишидан ҳосил бўлган юқори ҳароратли чиқинди чиқиш йўлида ҳосил қилинган юқори босимли буғнинг механик энергияси электр энергиясига айлантирилади.
90. Савол: Тикланувчан ва ноананавий энергия манбалари нима?
90. Жавоб: Қуёш энергияси фотоэлементлар орқали ва шамолнинг механик энергиясидан электр энергиясини ишлаб чиқариш.
91. Савол: Ҳимоя воситалари деб нимага айтилади?
91. Жавоб: Ҳимоя воситалари – ишлаб чиқаришдаги хавфли ва зарарли омилларнинг, бир ёки бир нечта ишлаётган ҳодимларга таъсирининг олдини оладиган ёки камайтиридаган восита.