Elektr energiyasi va nasos stansiyalaridan foydalanish kafedrasi bitiruvchi bosqich talabalarining ishlab chiqarish amaliyotlarini tashkil etish

2. BITIRUV OLDI AMALIYOTINI O‘TKAZISHGA MAS’UL BO‘LGAN SHAXSLARNI MAJBURIYAT VA VAZIFALARI


2.1.TALABALARNING MAJBURIYATLARI

Talaba o‘quv rejada ko‘rsatilgan bitiruv oldi amaliyoti vazifalarini qo‘yilgan talablar asosida bajarishga mas’ul hisoblanadi. Ularni amalga oshirishda talabaning majburiyatlari:

• 
  o‘quv rejada ko‘rsatilgan muddatlarda bajariladigan bitiruv oldi amaliyotini o‘tkazish bo‘yicha amalga oshiriladigan ishlar rejasini belgilangan tartibda tuzish va uni rasmiylashtirish;
  
• 
  amaliyotni qo‘yilgan talablar hamda tasdiqlangan reja asosida bajarish, ularni belgilangan muddatlarda amalga oshirish;
  
• 
  amaliyot davomida bajarilgan ishlar bo‘yicha xisobotni belgilangan hamda qo‘yilgan talablar asosida tayyorlash;
  
• 
  amaliyot bo‘yicha tayyorlangan xisobotlarni rahbarga o‘qituvchiga taqdim etish va uni ko‘rsatmalarini olish;
  
• 
  amaliyot bo‘yicha tayyorlangan xisobotlarni kafedra yig‘ilishida himoya qilish.
  

2.2. RAHBAR O‘QITUVCHINING VAZIFALARI

O‘quv rejada ko‘rsatilgan bitiruv oldi amaliyoti vazifalarini qo‘yilgan talablar asosida bajarilishiga rahbarlik qilshdagi vazifalari:

• 
  talabaga mutaxassisligi va ishlab chiqarish korxonasi xususiyatlaridan kelib chiqib amaliyot dasturini Nizomda ko‘rsatilgan tartibda tuzishda amaliy yordam berish;
  

• 
  talabaga tizimli ravishda amaliyot davomida olib borayotgan ishlari bo‘yicha maslahatlar berib borish;
  
• 
  amaliyot davomida talabaga ishlab chiqarish sharoitlariga moslashishiga va o‘qish davomida olgan bilimlarini qo‘llashida talabaga ko‘maklashish;
  
• 
  talaba tomonidan tayyorlangan amaliyot xisobotini ko‘rib chiqish va kerakli ko‘rsatma va maslahatlarini berib borish;
  
• 
  talaba tomonidan amaliyot bo‘yicha tayyorlangan xisobotga taqriz berish, kafedra yig‘ilishiga tavsiya etish.