Электр хавфсизлиги

Shikastlangan kishini ko‘tarib yoki transportda olib borish yo‘llari. 
Shikastlangan kishini ko‗targanda, tashiganda yoki transportda olib 
borganda uni ehtiyot qilish, ya‘ni azob bermaslik uchun silkitishdan va noqulay 
yoki xavfli holatda yotqizishdan saqlash kerak. Agar imkoniyat bo‗lsa, 
yordamchilar topib shikastlangan kishini qalin-pishiq materialdan tayyorlangan 
zambilda ko‗tarib borish kerak. 
Shikastlangan kishini birdamlik bilan yaxshisi sanoq yoki buyruqqa muvofiq 
ohista ko‗tarib zambilga solish lozim. Buning uchun shikastlangan kishining bir 
tomoniga (sog‗
tomoniga) tiz cho‗kib turiladi va qo‗lni uning orqasi va taqimi 
tagiga solib (qo‗l barmoqlari ikkinchi tomondan chiqib turishi kerak) ko‗tariladi.
Ayni
vaqtda shikastlangan kishini zambilgacha ko‗tarib borish kerak emas. 
Shikastlangan kishini tiz cho‗kkan holda, yerdan bir oz ko‗tarib, shu vaqtda boshqa 
kishi uning tagiga zambilni surib qo‗yadi. 
Shikastlangan kishining burun suyagi singan bo‗lsa, buning katta ahamiyati 
bor. Bunday hollarda, shikastlangan kishini suyagi singan joyidan bir oz avaylab 
ushlab turish ham kerak. 
Shikastlangan kishining umurtqa pog‗onasi singan yoki pastki jag‗ suyagi 

---

37 
sinib, nafas olishi bo‘g‗ilayotgan bo‗lsa, uni yumshoq zambilga yuz tuban 
yotqiziladi. Shikastlangan kishini tekis joydan olib borayotganda oyog‗i oldinga 
qilib ko‗tariladi, balandlikka yoki zinaga chiqishda boshi oldinga qilib ko‗tariladi. 
Bunday vaqtda zambil qiyalanmasligi uchun, past tomondagi kishi zambilni 
yuqoriroq ko‗taradi. Yurganda zambilni silkitmaslik uchun qadamni baravar 
tashlamasdan, tizzani bir oz bukish, oyoqni mumkin qadar baland ko‗tarmay yurish 
kerak. 
Shikastlangan kishini qanday qilib zambilga solingan bo‗lsa, uni shu usulda 
zambildan avaylab olinadi. Shikastlangan kishini uzoqroq joyga ko‗tarib 
borilganda zambilning dastalariga tasma boylash va tasmani yelkaga solib 
ko‗tarish kerak. Og‗ir shikastlangan kishini transportda olib borganda, iloji bo‗lsa, 
uni zambili bilan transportga ortish kerak. Bunda zambilning tagiga poxol, o‗t
va 
shu kabilar solinadi. Shikastlangan kishini silkitmaslik uchun transportni ehtiyot 
qilib, sekin haydash lozim.