Эркаев Renessans indd

IV. Тарих сабоқлари ва Учинчи Ренессанс зарурати
91
имом Термизий, Мотурудий, Абул Муъин-Насафий ил-
мий марказлари ташкил этилди. Имом Бухорий илмий 
маркази халқаро мақомга эга. Ислом олий ва ўрта мах-
сус ўқув юртлари, Халқаро ислом академияси фаолият 
юритмоқда. Ислом цивилизацияси маркази барпо этил-
моқда. Булар ҳам аввалги Икки Ренессанс ва кейинги 
зиддиятли давр сабоқларининг ҳисобга олинишидир. 
Миллий ғоянинг 2000 йилги концепцияси одамлар-
ни, айниқса, ёшларни аниқ ва юксак марраларни кўз-
лашга, жамиятни ҳам, ўзини ҳам такомиллаштириш-
га етарлича рағбатлантира олмади. Одамларни турли 
жўшқин ҳаракатларда бирлаштирадиган, фидокорлик-
ка чорлайдиган, ғурурини уйғотадиган миллий-маф-
куравий брендлар яратилмади. Ижтимоий онгда ғоя-
вий-мафкуравий ноаниқлик унсурлари тоборо кўпайиб 
борди. Ғоявий-мафкуравий ноаниқлик айниқса, ёшлар 
онгига, уларнинг қадриятлар тизимига, сезиларли сал-
бий таъсир кўрсата бошлади. Баъзи ёшлар турли оқим-
лар таъсирига тушиб қолди. Ёки реал оламдан узилиб, 
ўзининг яратиб олган виртуал маконида, иллюзиялар 
оламида яшаётган, компьютер ва замонавий электрон 
алоқа воситалари бандисига айланиб қолган ёшлар 
сони ортиб бормоқда. 
Компьютер технологияларининг ривожланиши бо- 
лаларнинг билим ва ахборот олиш имкониятларини
ошириш қаторида уларнинг турли ахборотларни, ма-
салалар ечимларини, китоб ўқиш, бадиий асарлар 
мазмуни ва шеърларни ёдда сақлаш кўникмаларини
издан чиқармоқда. Қабул қиладиган қарорлари тўғри 
бўлиши учун болаларда масъулият пасайиб кетмоқда. 
Улар масалани ечишга эмас, тайёр жавоблардан тўғри-
сини топишга ўрганмоқдалар. Интеллектуал ҳаракатга, 
ақлий таҳлилга ва умумлаштиришга эҳтиёж камайиб
бормоқда. Булар ёш авлод онгига салбий таъсир кўр-

---