Эркин Малик

Севиб қолдим бўз болани, 
Қийнашлари зўр болани, 
Ў-ў-ў-ҳ... Ў-ў-ў-ҳ... Ў-ў-ў-ҳ...
ЧЎРИ МУБОРАК, БУВИЖОН 
 
(ёки Шайтонваччанинг бир ўқ билан бешинчи
қуённи ҳам ургани) 
Шайтонвачча кабинетдан олтин медални олиб, йўл-йўлакай устознинг 
айбини бўйнига қўя олмаган анови кишиларни ҳам бошлаб келмоқчи 
бўлдию, ниятидан қайтди. Битта қаллоб устоз юрса юрибди-да. Шарманда 
қилганда нима қолади. Яхшиси кеннойини бошлаб бораман. 
— Бувижон,— деди Шайтонвачча,— мен сизга олтинларим ҳалол бўлса, 
бир куни ўз оёҚи билан юр-и-и-б, кириб келади, деб айтганмидим,— дея 
кеннойига ишора қилди. Устозни намокоблаб ўтирган кампир ҳеч нарсага 
тушунмай, кеннойига бошдан-оёқ қараб: 
— Шунга ўхшашроқ бир нималар деган эдинг,— деди. 
— Вой ўлай-й-й-й... сиззи ким бу кўйга соп қўйди? — қўрққанидан 
чапак уриб юборди кеннойи эрини таниб. 
— ¤зим, — деди устоз, — ўзимни ўзим шу кўйга солдим. 
— Бу нима ётиш, қўл-оёҚингизни ким боҚлади, деяпман?
— Сен хотин гаппи кўпайтирма, тақинчоқларингни ечиб, чемпионга бер, 
вассалом. 
— Вой, нимага-а-а? 
— Айтганимни қил, нимагалигини кейин айтаман. 
— Кута-кута энди етишганимда-я, — кўзларига ёш олди кеннойи. 
— Бўл! Бўмаса эрингни ҳозир кир ўрага тиқворишади, чапагингни чалиб 
қолавурасан, худди. 
— Хўп-хўп, мана-мана, — деб кеннойи тақинчоқларни ечиб 
Шайтонваччага узатди. Шайтонвачча кампирга, кампир шошиб қолганидан 
нима қилишини билмай, ишончлироқ деб липпасига урди. 
— Энди бўлдими, чемпион, ора очиқми? — сўради устоз ётган жойида. 
— Тилла тишлар-чи, устоз, тилла тишлар, — деди Шайтонвачча 
кеннойининг оҚзига ишора қилиб. 
— Номард экансан... 

---

73 
— Бувижон, теша қаёқда, ҳозир кеннойининг тишларини битта қўймай 
қоқиб оламан. Менинг тиллаларим бировнинг оҚзига тилла тиш бўп 
кетишини хоҳламайман. 
— Войдод, — деб эрининг устига ўзини ташлади кеннойи, — бир 
нима денг, ўлиб қоламан-а, худди. 
— Шартингни айт? — деди устоз боҚлоқдаги оёқ-қўлларини силтаб. 
— Кеннойини талоқ қиласиз. 
— Нима? 
— Отамга иккинчи хотин қилиб олиб бераман, бувим қариб қолдилар. 
— Вой, майли-майли, Ўожи отага бўлса жон деб тегаман, у киши 
табаррук зотлар — деб юборди кеннойи. 
— Вой бевафо манжалақи-ей, — инграб юборди устоз. Бу ёқда 
кампирники тутиб кетди: 
— Нималар дейди бу яшшамагур, — деб қайдандир топиб келган тешани 
Шайтонваччага ўқталиб қолди. — Менга кундош қилмоқчимисан, ҳу турқинг 
қурсин, ушла тешани, ҳозироқ тишларини қоқиб ол. Эри олдида туриб 
ликиллашини қаранглар бу фоҳишани. Ўу кўзларинг сузилмай ўлсин, бузиқи. 
— Чўрингиз бўлай холажон, илтимос, тишларимга тегманг, — деб 
кеннойи кампирнинг оёҚига йиқилди. 
Бирдан ҳамма жимиб қолди. Фақат кеннойи «пиқ-пиқ» йиҚлар, говмиш 
бу машмашаларга бефарқ, ҳафсала билан кавш қайтарар, юмшоқ жаҚи нари-
бери бориб келар эди. Кампирнинг аёлга раҳми келдими, нима дейсан 
дегандек, Шайтонваччага қаради. Шайтонвачча бош ирҚади: 
— Чўри бўлсалар бўла қолсинлар. 
— Бўпти, — деди кампир, — пақат ҳаммаси мен айтгандек бўлади. — 
Бомдод намози вақтида жойни йиҚиб, нонушта тайёрлайсан — бу бир, 
пешин намози вақтида келиб белимни уқалаб қўясан — бу икки, аср 
намозига азон чақирганида кечки овқатга уннаб кетасан — бу уч, хуфтон 
намози вақтида идиш-товоқларни ювиб, чолим билан менга жойни соласану 
дап бўласан — бу тўрт. Бу пайтларда чолим масжидда бўлади. Унга 
турқингни кўрсатмайсан. Уқдингми, ҳу нафс бандалари? 
— Хотирингиз жам бўлсин, холажон, бари сиз айтгандек бўлади. 
— Бизам келишвосак бўларди, чемпион,— деди устоз ётган жойида 
тўлҚаниб, — шу гаплар шетта қоп кетади-а, иси чиқмайди-а? 
— Бу ёҚи ўзингизга боҚлиқ, устоз, бир-биримизни анча тушуниб қолдик 
шекилли... 
— Гап йўқ, йигит кишининг гапи битта бўлади, тавба дедим-ку... 
— Келишдик. 
Устоз бир амаллаб кийимларини кийиб, одам-башара бўлиб, 
оҚилхонадан чиқар экан, хотинидан сўради: 
— Яхшилаб қара-чи хотин, олдингидек қошим учмаяптими? 
— Э-э-э, — деди хотини эрига қараб, — қошим дейсиз-а, қошиз 
қоптими, бурнингиз картошка, оҚзингиз гармошка бўп ётибди-ку... 
Шайтонвачча кампирни ўзича қутлаб қўйди: 
— Чўри муборак, бувижон!

---

74