Эҳтимолларни ҳисоблашнинг классик усули

1.18. Идишда 8 та оқ ва 12 та қизил бир хил шар бор. Таваккалига 3 та шар олинади. Уларнинг ақалли биттаси оқ бўлиш эҳтимолини топинг.(ж. 46/57)
1.19. Идишда 8 та оқ ва 12 та қизил бир хил шар бор. Таваккалига 5 та шар олинади. Уларнинг ичида биттадан кўп бўлмагани оқ бўлиш эҳтимолини топинг.(ж. 99/323)
1.20. Ўйин соққаси уч марта ташланади. Ёқларида чиқган барча очколар жуфт бўлиш эҳтимолини топинг.(ж. 7/72)
1.21. Ўйин соққаси уч марта ташланади. Ёқларида чиқган барча очколар хар хил бўлиш эҳтимолини топинг.(ж. 5/9)
1.22. Стол устида 1 дан 36 гача номерланган 36 та имтихон билетлари бор. Ўқувчи ихтиёрий 3 та билет танлайди. Бу билетларнинг биринчи 4 та билетлардан бўлиш эҳтимолини топинг.(ж. 1/1785)
1.23. 1, 2, 3, 4, 5 рақамлар турли карточкаларга ёзилган. 3 та карточка таваккалига (қайтариб солинмай) олинади ва олиниш тартиби бўйича чапдан ўнгга терилади. Ҳосил бўлган уч хонали соннинг жуфт бўлиш эҳтимолини топинг.(ж. 0,4)
1.24. Китоб жавонида 1 та Б.Е.Гнеденко дарслиги, 5 та В.Е.Гмурман масалалар тўплами ва 6 та А.А.Боровков дарслиги бор.
а) Таваккалига олинган 4 та китобнинг барчаси фақат битта муаллифга тегишли бўлиш эҳтимолини топинг.(ж. 4/99)
б) Таваккалига олинган 4 та китоб орасида камида битта масалалар тўплами бўлиш эҳтимолини топинг.(ж. 7/99)
1.25. Китоб жавонида 7 та- эҳтимоллар назарияси бўйича, 7 та- математик анализ бўйича ва 1- та функционал анализ бўйича дарсликлар бор. Таваккалига 6 та китоб олинади. Олинганлар орасида 5 тадан кам бўлмагани эҳтимоллар назарияси бўйича дарслик бўлиш эҳтимолини топинг. (ж. 5/143)
1.26. 6 та бир хил карточкаларга «а», «в», «к», «м», «о», «с» ҳарфлари ёзилган. Карточкаларни ихтиёрий тартибда теришда «москва» сўзи ҳосил бўлиш эҳтимолини топинг.(ж. 1/720)
1.27. 10 киши ўнта ўриндиқли скамейкага тасодифий равишда жойлашди. Керакли икки кишининг ёнма-ён ўтириш эҳтимоли нимага тенг.(ж. 8/45)
1.28. 10 та карточкаларга «а», «а», «а», «м», «м», «т», «т», «е», «и», «к» ҳарфлар ёзилган. Карточкалар яхшилаб аралаштирилгандан кейин кетма-кет терилади. «математика» сўзи ҳосил бўлиш эҳтимолини топинг. (ж. 1/151200)