F. R. Qodirova, Sh. Q. Toshpo’latova, N. M. Kayumova,M. N. A’zamova maktabgacha pedagogika darslik

Maktabgacha ta’limga qo‘yiladigan Davlat talablari.

Maktabgacha ta’limga qo‘yiladigan Davlat talablari – O‘zbekiston Respublikasining “Ta’lim to‘g‘risida” gi, “Kadrlar tayyorlash milliy dasturi”, Xalq ta’limi vazirligining maktabgacha ta’lim sohasi bo‘yicha normativ huquqiy hujjatlarga muvofiq ishlab chiqildi.

Davlat talablari – maktabgacha ta’lim tizimida shuningdek har bir oilada 7 yoshgacha bo‘lgan bolani tarbiyalash, rivojlantirish, maktabga samarali tayyorlash hamda unga ta’lim berishda qo‘llanilishi majburiydir.
Davlat talablari asosida:

• Bolaning bilim, ko‘nikma va malaka mezonlari hamda ularning o‘sish dinamikasi va rivojlanish holatlari aniqlanadi;

  
  

• Bolalarning rivojlanganligi va yutuqlari baholab beriladi;

  
  

• Bolaning individual rivojlanish ta’minlanadi;

  
  

• Kadrlar tayyorlash sifati ta’lim mazmuniga nisbatan qo‘yiladigan talablar, maktabgacha yoshdagi bolalarning rivojlanish darajasi;

  
  

• Ota-onalarning bola rivojlanishiga oid ko‘nikma va malakalari belgilanadi.

  
  

O‘zbekiston Respublikasida joylashgan quyidagi ta’lim muassasalari:

• Davlat va nodavlat maktabgacha ta’lim muassasalari;

  
  

• Maktabgacha ta’lim yoshidagi guruhlar mavjud bo‘lgan mehribonlik uylari;

  
  

• Xalq ta’lim muassasalari faoliyatini metodik ta’minlash va tashkil etish tuman (shahar) bo‘limlarining maktabgacha va boshlang‘ich ta’limni nazorat qiluvchi sho‘balari;

  
  

• Kasb-hunar kollejlari;

  
  

• Oliy o‘quv yurtlarining maktabgacha va boshlang‘ich ta’lim yo‘nalishi bo‘yicha kadrlar tayyorlovchi fakultetlari;

  
  

• Maktabgacha va boslang‘ich ta’lim tizimi kadrlarining malakasini oshirish faoliyati bilan shug‘ullanuvchi tashkilotlar – bu Davlat talablarini qo‘llashlari shart.

  
  

Davlat talablarining asosiy maqsadi:

• Respublikaning ijtimoiy-iqtisodiy taraqqiyot istiqbollari, jamiyat ehtiyojlari, fan-texnika va texnologiyaning zamonaviy yutuqlari asosida maktabgacha ta’lim tizimi faoliyatini yo‘lga qo‘yish;

  
  

• Sifatli ta’lim xizmatlari ko‘tsatilishini ta’minlash;

  
  

• Ta’lim va kadrlar tayyorlash sohasida shaxs, jamiyat va Davlat manfaatlarini himoya qilish;

  
  

• Sifatli kadrlar tayyorlash tizimini rivojlantirish;

  
  

• Bola shaxsi asoslarini shakllantirish hamda uning bilim olishga bo‘lgan qiziqishlarini rivojlantirish;

  
  

• Bolaning intelektual va jismoniy rivojlanishini ta’minlash;

  
  

• Bolalarni milliy madaniyat va umuminsoniy qadriyatlar bilan tanishtirish;

  
  

• Bolalarni maktab ta’limiga tayyorlash.