Факултет декани Т. Шарипов

Модулли таълимнинг анъанавий таълимдан фарқи:  
• Билим ва кўникмаларни беришга йўналтирилган;
• Аниқ белгиланган қатъий маълум касбий соҳани (аниқ ҳолатда ҳаракат 
қилишга тайёрлиги) эгаллашга йўналган.
Модулли ўқув ахборотнинг таълим моҳияти шундан иборатки, бунда 
таълим олувчи кўпроқ унга тақдим этилган мақсадли ҳаракат режасига 
мувофиқ, қўйилган дидактик мақсадларга эришишда ахборотли банк ва 
услубий қўлланмани ўз ичига оладиган индивидуал режа билан мустақил 
ишлайди.
Модулли ўзлаштиришдан аввал модулли режа билан танишиб, ўқувчи 
ўзлаштириш вақтида, эгаллаши лозим бўлганлар тўғрисида маълумотга эга 
бўлади.

---

13 
Ўқув материалини биргина маҳорат даражасида муваффақиятли 
ўзлаштиргандан сўнг, у шу ўқув вақти мобайнида, фақат юқорироқ даража 
бўйича ўқишни давом эттириши мумкин.
Яъни ўқувчининг руҳий, жисмоний ва ақлий сифатларига боғлиқ ҳолда 
курсни ўтишнинг индивидуал программалари аниқланади.
Модулли ўқитиш тамойиллари: 
1. Ахборотли материални мақсадга қаратилган вазифа тамойили. Шу 
қоидага мувофиқ, қўйилган мақсадларга эришишга йўналтирилган, берилган 
мавзу мақсадидан келиб чиқиб, ахборотли модулли блок тузилади, яъни аввал 
мақсад шакллантирилади, ундан сўнг эса модулли дастурнинг ахборотли 
модулли блоки ва модуллари шакллантирилади.
2. Ўқув материалининг мукаммаллик тамойили:
• модулда албатта ўқув материалини асосий томонлари, ушбу материалга 
тушунтиришлар бериш ва материалга қўшимча чуқурроқ кириб бориш 
имкониятларини кўрсатиш;
• адабиётлар манбаини кўрсатиш;
• амалий вазифаларни бериш ва уларни ечиш йўлларини тушунтириш;
• назарий ва амалий топшириқлар ва уларга жавобларни келтириш керак.
3. Қайтар алоқа тамойили. Билимларни ўзлаштириш жараёни 
бошқариладиган ва ўзлаштиришни назорат қилиш имкони бўлишини талаб 
этади.
Услубий ахборотли материални мақбул етказиш қоидаси. Модул 
материалини шундай шаклда ифодалаш керакки, таълим олувчилар аниқ 
шароитларда уларни энг кўп самарали ўзлаштиришини таъминлаш.