Fakultet: Magistratura bólimi Magistrant: B. Qayıpnazarov Kafedra

Ózbekistan RespublikasÍ
joqarÍ HÁM orta arnawlÍ bilimlendiriw ministrligi


Ájiniyaz atÍndaǴÍ
nÓkis mámleketlik pedagogikalÍq institutÍ


Fakultet: Magistratura bólimi Magistrant: B.Qayıpnazarov
Kafedra: Pedagogika Ilimiy basshı: p.i.k. doc.T.Saparbaev
Oqıw jılı: 2020-2021/2021-2022
Qánigeligi: 5A110901- Pedagogika teoriyası hám tarıyxı


Tema: Mektep oqıwshıların Watan súyiwshilik ruwxında tárbiyalawda seyil hám sayaxatlardan paydalanıw
A N N O T A C I Y A
Magistrlik dissertaciya tenasıńıń tiykarlanıwı hám aktuallıǵı:
Pitkeriw qániygelik jumısımız ulıwma 79 betten ibarat bolıp, ol kirisiw, úsh bap, juwmaqlaw hám paydalanılǵan ádebiyatlar kórsetkishlerinen ibarat. Pitkeriw qániygelik jumısımızda paydalanılǵan ádebiyatlar sanı 19 atamanı quraydı.
Kirisiwde pitkeriw qániygelik jumıstıń ulıwma sıpatlaması sáwlelengen, yaǵnıy biz tárepimizden tańlanǵan temanıń aktuallıǵın, obyektin, predmetin, metodların, ilimiy jańalıǵın, ulıwma pedagogika teoriyasında oqıwshılardı Watan súyiwshilik ruwxında tárbiyalaw boyınsha ilimpazlardıń pikirleri haqqında sóz júritiledi.
Jumıstıń kirisıw bólıminde búgingi kúnde Ǵárezsızlik jaǵdayında jámiyetimızdegi bilimlendiriw sısteması, kadrlar tayarlawdıń millıy baǵdarlaması tiykarında ámelge asırılıp atırǵan ilajlar, ulıwma orta bilim beretuǵın mekteplerde klastan tıs tárbiyalıq islerden biri esaplanǵan seyil hám sayaxatlardıń alıp barılıw, shólkemlestiriw jumısları, mektepte sayaxatshılıq dógerekleriniń is júrgiziwi hám basqa da máseleler sóz etilip, bul boyınsha teoriyalıq ádebiyatlarǵa sholıw jasalıp, ilımpazlardıń pikirleri basshılıqqa alındı.
Jumıstı orınlawda mektep oqıwshıların watan súyiwshilikke tárbiyalawda seyil hám sayaxatlar boyınsha bir neshe máselelerge itibar berildı. Seyillerdiń tálım-tárbiyalıq áhmiyeti, sayaxatlardıń ózine tán ózgeshelıkleri mısallar arqalı kórsetilıp berildı. Oqıwshı jaslardıń kámil insanlar sıpatında kamalǵa keliwinde ámeliy hám teoriyalıq bilimlerdiń áhmiyeti oǵada úlken. Olarda watandı súyiwshilik sezimlerdi qáliplestiriwde qorshaǵan ortalıq, átirap, ózi jasap atırǵan úlke haqqındaǵı túsinikleri bilim iyelewdiń eń dáslepki basqıshlarınan bolıp sanaladı. Ásirese tábiyiy bilimlerdi iyelewde sayaxat hám seyillerdiń pedagogikalıq áhmiyeti oǵada úlken. Oqıwshılarda watanǵa súyiwshilik sezimleri birden payda bolmaydı. Ol eń dáslep tábiyatqa baylanıslı túsinikler formasında júzege kelip, áste aqırın ósip, rawajlanıp baratuǵın ruwxıy-pedagogikalıq process. Oqıwshılarda sayaxat hám seyiller Ana jerge, óz úlkesine muhabbat, watandı súyiwshilik, miynetkeshlik sıyaqlı sıpatlardı ósiredi. Bul óz náwbetinde oqıwshılarǵa tábiyattı qorǵaw, tábiyat baylıqlarınan únemlilik penen tejep paydalanıw mádeniyatın da payda etedi.
Jumısımızdıń sońında tiyisli juwmaqlar jaslǵan hám paydalanılǵan ádebiyatlarımızdıń dizimleri kórsetilgen.
Ilimiy basshı: ____________ p.i.k. doc. T.Saparbaev
Magistrant: _____________ B.Qayıpnazarov