Fakultet: Xorijiy til va adabiyoti-2 Guruh: 2201 F. I. Sh.: Iskandarova Hilola «Topmadim…» radifli gʻazali

Oliy va oʻrta maxsus ta'lim vazirligi Oʻzbekiston Davlat jahon
tillari universiteti.
Fakultet: Xorijiy til va adabiyoti-2
Guruh: 2201
F.I.Sh.: Iskandarova Hilola
«Topmadim…» radifli gʻazali
Mehr ko`p ko`rguzdum, ammo mehribone topmadim,
Jon base qildim fido, oromi jone topmadim.

G`am bila jonimg`a yettim g`amgusore ko`rmadim,
Hajr ila dilxasta bo`ldum, dilsitone topmadim.

Ishq aro yuz ming malomat o`qig`a bo`ldum nishon,
Bir kamon abruda tuzlukdin nishone topmadim.

Ko`nglum ichra sarv o`qdur, g`uncha paykon, gul tikan
Dahr bog`i ichra mundoq gulsitone topmadim.

Husn mulki ichra sendek shohi zolim ko`rmadim,
Ishq ko`yida o`zumdek notavone topmadim.

Ko`p o`qudum Vomiqu Farhodu Majnun qissasin,
O`z ishimdin bul`ajabroq dostone topmadim.

Ul amon ichinda bo`lsun, ey Navoiy, garchi men
Bir zamon ishqida mehnatdin amone topmadim.

Tab` ganjidin maoni xurdasin, yuz qatla hayf
Kim, nisor etmakka shohi xurdadone topmadim.
Yaratilish tarixi: Gʻazal sulton Abu Said hukmronligi davrida yozilgan. Chunki Alisher Navoiy sulton tomonida ta'qib ostiga olingan.
Janri va vazni: Asar badiiy adabiyotdagi 3 ta asosiy turning lirik turiga kiradi va gʻazal janrida yozilgan. Vazni: ramali musammni mahzuf ( foilotun/foilotun/foilotun/foilun).
Mavzu va gʻoyasi: Gʻazal adabiy mavzuda yozilgan boʻlib, unda shoir oʻzining muhabbat , gʻam-qaygʻu kabi his-tuygʻularini betakror soʻzlari bilan tasvirlab oʻtgan. Asar gʻoyasiga keladigan boʻlsak, Alisher Navoiy oʻzi yashagan davr qiyinchiliklarini tasvirlash boʻlgan.
She'riy san'atlar: Tanosub (kamon, nishon; gʻuncha, gul), talmeh ( Farhod, Majnun, Vomiq) , nido ( ey, Navoiy).
Gʻazal haqidagi shaxsiy mulohazalarim: Alisher Navoiy gʻazallarida ham shodlikni, ham qaygʻuni, ham takrorlanmaydigan lahzalarni betakror soʻz va iboralari bilan bayon etadi. Yuqoridagi gʻazalda ham boshidan kechirgan qiyinchiliklarini va ziddiyatlarini oʻziga xos tarzda ifodalagan.