Falsafa 13-seminar bo’yicha topshiriqlar mavzu: "etika" fanining predmeti va jamiyat hayotidagi ahamiyati

13-MAVZUNING 2-TOPSHIRIG’I BO’YICHA

savollarga javob yozing
1. Etikaning asosiy kategoriyalari, tamoyillari, me’yorlarining jamiyat munosabatlarida namoyon bo’lishi ______Etikada inson xatti-harakatining ikki qutbi – axloqiylik va axloqsizlik holatlari tadqiq etiladi. Axloqiylik – fazilatlarda, axloqsizlik esa illatlarda namoyon bo’ladi. Bu ikkki qutb – tushuncha kun-tun, oq-qora singari bir-birini inkor va ayni paytda, taqazo etgani holda mavjuddir. Zero, fazilat, Arstudan tortib Ibn Sinogacha bo’lgan qadimgi faylasuflar ta’kidlaganlaridek, ikki illat oralig’ida ro’y beradi. Boshqacha qilib aytganda, fazilat ikki manfiylik o’rtalig’ida yuzaga keladigan musbat hodisadir. Chunonchi, adolat – zulm bilan mazlumlikning, saxiylik – isrofgarchilik bilan baxillikning, iffat – qizg’anchilik va rujuning o’rtalig’i sifatida voqe bo’ladi.

Fazilat va illat shunday yirik hamda qamrovli atamalarki, ularning har biri o’z ichiga bir necha emas, o’nlab emas, balki yuzlab tushunchalarni oladi. Shu jihatdan etika barcha falsafiy fanlar ichida tushunchalarning ko’pligi va xilma-xilligi bilan alohida ajralib turadi.