Фалсафа асос doc

Mavzuning rejasi 
1.  Tabiat ob‟ektlarining tuzilishi va rivojlanishi. 
2.  Tabiat va uning borligi darajalari. 
3.  Yerdagi hayot, biosotsial evolyutsiya va tabiatni falsafiy tushunishning 
ahamiyati. 
Birinchi  savol.  Tabiat  ob‟ektlarining  tuzilishi  masalasi  murakkab  masala  bo„lib,  tabiat  va 

---

37 
 
jamiyat  haqidagi  konkret  fanlar  borliqning  o„z  predmetlariga  mos  keluvchi  muayyan 
xususiyatlarnigina  o„rganadi.  Borliqning  umumiy  xossalari  haqida  esa  falsafa  fani  tadqiqot  olib 
boradi. 
Bizning  tevarak  atrofimizni  xilma  -  xil  ko„rinishdagi  turli  -  tuman  moddiy  ob‟ektlar  o„rab 
olgan.  Ular  turli  xil  xossa  va  xususiyatlarga  egadir.  Asrlar  mobaynida  hamma  jismlar  materiyaning 
bo„linmas  shakli  atomlardan  tashkil  topgan  degan  tasavvur  hukmron  edi.  Atomlarning  murakkab 
tuzilgan-ligi haqidagi farazlar XIX asr oxiri va XX asr boshlariga kelib uzil - kesil tasdiqlandi. 
Hozirgi zamon fanining bergan ma‟lumoticha, atrofimizdagi har qanday jism molekulalardan 
tashkil  topgan,  molekulalar  esa  atomlardan  tuzilgan.  Atomlar  murakkab  tuzilgan  yadro  va  elektron 
qobiqlardan iborat. Atomning elektron qavatlari bir - biridan va atom yadrosidan muayyan uzoqlikda 
joylashgan  bo„ladi.  Eng  sodda  atom  hisoblanuvchi  vodorod  atomining  yadrosi  bitta  protondan, 
murakkabroq atomlarning yadrosi esa proton va neytronlar-dan tashkil topadi va h.k. 
Organik  va  anorganik  moddalar  molekula  tuzilishi  bilan  bir  -  biridan  farq  qiladi.  Jonli 
organizmlar  organik  moddalardan  tashkil  topgan  bo„ladi.  Jonli  organizmlarning  tarkibi  asosan 
hujayralar va hujayra sistemalari-dan iborat. Yer shari atrofini qurshab turuvchi biosferani bir butun 
jonli sistema deb atash mumkin. Mikroorganizmlar, o„simlik dunyosi, hayvonot dunyosi va insonning 
o„zaro aloqadorliklari bu biosferaning mavjudligini ta‟minlab turadi. 
Yer shari o„z atrofida harakatlanuvchi Oy bilan birga yilda bir marta Quyosh atrofini aylanib 
chiqadi.  Bu  sistema  ham  biosferaga  o„z  ta‟sirini  o„tkazadi.  Yer  yuzida  mintaqalarning  farq  qilishi, 
fasllarning  almashinuvi  ana  shu  sistema  harakati  bilan  bog„liqdir.  Quyosh  va  uning  atrofida 
harakatla-nuvchi  sayyoralar,  ularning  yo„ldoshlari,  asteroidlar,  kometalar  va  kichik  planetalar 
birgalikda Quyosh sistemasini tashkil qiladi. 
Quyoshdan  eng  uzoq  joylashgan  planeta  Pluton  uning  atrofini  247,5  yilda  bir  marta  to„liq 
aylanib chiqadi, ya‟ni Yer yili - 356,25 kunga teng bo„lsa, Pluton yili 247,5 ta Yer yiliga tengdir. 
Quyosh sistemasi millionlab yulduzlarni o„z ichiga oluvchi Galaktika (Somon yo„li) tarkibiga 
kiradi.  Uning  diametri  94,6  mln.  yorug„lik  yiliga  teng.  Undan  keyingi  sistema  galaktikalar  tupi 
bo„lib, uning diameti 1 megaparsekka teng, u 30 tagacha galaktikani o„z ichiga oladi (1 parsek 3,26 
yo.y.).  Keyingi  sistemaga  galaktikalarning  mahalliy  tupi,  unga  2  ta  giper  galaktika  va  27  ta  mitti 
galaktikalar  kiradi.  Majmuada  500  tagacha  galaktika  bo„ladi,  uning  diametri  5  megaparsek. 
Galaktikalar  majmuasi  galaktikalarning o„ta  majmuasiga birlashadi, uning  diametri  40  megaparsek 
bo„lib, o„zida 10  mingdan  ziyod  galaktikani  birlashtiradi. O„ta yirik  majmualar  koinotning  boshqa 

---

38 
 
strukturaviy birliklariga kiradi. Koinotning radiusi esa 15 - 20 mlrd. yorug„lik yiliga tengdir. 
Bu sistemalarni umumlashtirib, borliqning moddiy ko„rinishlarini turli xil struktura darajasiga 
ajratish mumkin. 
Sifati  jihatidan  materiya  ikki  xil  shakda,  ko„rinishda  uchraydi:  moddasimon,  nomodda 
ko„rinishda. 
Materiyaning moddasimon ko„rinishdagi shakllari ikkiga, modda va antimoddalarga ajraladi. 
Bular bir - biri bilan chambarchas bog„langan bo„lib, ular to„qnashganda keskin sifati o„zgarish ro„y 
beradi, ya‟ni moddaning moddaviy ko„rinishi nomoddaviy ko„rinishga aylanadi. 
Materiyaning  nomoddiy  ko„rinishi  ham  ikki  xil  shaklda  namoyon  bo„ladi:  maydon  va 
nurlanish. 
Muayyan  maydondagi  nurlanishlar  fizik  vakuumda  (fizik  vakuum  -  bu  fizik  jismlardan  xoli 
bo„lgan  joy)  moddiy  zarrachalarning  hosil  bo„lishiga  yordam  beradi.  Xullas,  bular  ham  bir  -  biri 
bilan  chambarchas  bog„liqdiryu  Materiyaning  biz  yuqorida  qayd  etgan  ko„rinishlaridan  boshqa 
ko„rinishlari  bo„lishi  ham  mumkin.  Agar  biz  borliqning  moddiy  ko„rinishlarini  tuzilishi  jihatidan 
turkumlashtirsak, borliqning struktura darajalari haqidagi xulosa hosil bo„ladi.