Falsafa yakuniy nazorat javoblari 1 Falsafa atamasi va u ifoda etadigan bilimlar majmui. Falsafaning baxs mavzulari va asosiy muammolari

74) Axborot dunyosining globallashuvi va inson ongi imkoniyatlarining kengayishi.
Ayrim tadqiqotlar natijalariga ko’ra, hozirgi davrda fan sohasida erishilgan natijalar har o’n yilda, informatsiya olish esa har 3-4 yilda ikki barobarga oshmoqda. Ana shunday sharoitda inson ongi, uning xotira qudrati bu axborotlarni o’zlashtira oladimi, degan savol ko’ndalang bo’lmoqda. Yangi bilimlar, axborot oqimi unchalik kuchli bo’lmagan yaqin o’tmishda tirishqoq kishi insoniyat bilimi erishgan asosiy natijalarni o’zlashtira olar edi. Bugungi kunda faqat fanning turli yo’nalishlari bo’yicha yiliga bir necha million kitob nashr etilmoqda. Hisob-kitoblarga ko’ra, inson eng yangi adabiyotlarni o’rganib borishga harakat qilganda ham, uning har bir o’qigan betiga o’n ming o’qilmagan sahifa to’g’ri kelar ekan.
Kishilarning paydo bo’lgan yangi kitoblarning aksariyatini jismonan o’qib ulgurmaganligi «informatsion portlash» keltirib chiqarayotgan oqibatlarning bir ko’rinishi, xolos. Masalaning yana bir jihati borki, bu inson to’plagan bilim, axborotning ma’naviy eskirishi, keraksiz bo’lib qolayotganligidir. Bunday eskirish sur’ati tobora tezlashib bormoqda. Masalan, oliy — ta’lim sohasida bu jarayon olti — yetti yil, kompyuter texnologiyasi sohasida esa bir yil davomida sodir bo’layotganligi haqida fikrlar bildirilmoqda. Bu agar siz oliy o’quv yurtini bitirganingizga yetti yil bo’lgan bo’lsa, o’z vaqtida olgan bilimlaringizning aksariyati bugungi kun talabiga javob bermasligini bildiradi. Ana shunday sharoitda kishilarning o’z bilimlarini yuqori darajada ushlab turishlari ulardan doimiy diqqat-e’tiborni, o’z ustida ishlashni talab qiladi. Aks holda, ta’lim dargohini eng yuqori natijalar bilan bitirgan mutaxassis ham tez orada chalasavod bo’lib qolishi mumkin.
Umumlashtirib aytganimizda, ongning mohiyatini, uning koinot evolyutsiyasining tabiiy natijasi ekanligini tushunish, u bilan bog’liq bo’lgan jarayonlarni ilmiy talqin etish olam va odam birligini anglash imkonini beradi. Ayni paytda, ongning mohiyatini anglash insonning o’zligini, yashashdan maqsadi, hayotining ma’no-mazmuni kabi masalalarni chuqurroq tushunishga yo’l ochadi. Bu ong va u bilan bog’liq masalalar amaliy ahamiyatga ega ekanligidan dalolat beradi. Har bir kishiga xos individual ong bo’lishi isbot talab qilmaydiga hol. Odamzod bir-biri bilan aloqalarini tartibga solib turadigan ma’naviy, axloqiy mezonlar, umumiy qarash va intilishlar, manfaat va maqsadlar ham borligini anglaganidayoq, ijtimoiy ong mavjudligiga ishongan.
Ommaviy axborot vositalari — matbuot va radio-televideniyaning chinakamiga «to’rtinchi hokimiyat» darajasiga ko’tarilishi haqiqiy demokratik jamiyat barpo etishning talablaridan hisoblanadi. Lekin sobiq ittifoqda uzoq yillar davomida ommaviy axborot vositalari qattiq mafkuraviy va ma’muriy nazorat ostida faoliyat olib borgan edi. Shuning uchun psixologik jihatdan ularning o’zini tom ma’nodagi erkin axborot tizimi sifatida his etishi qiyin kechayotir. Shu bilan birga, davlatimiz rahbari bizda jamoatchilik fikrini o`rganish ham, uni shakllantirish ham yaxshi yo’lga qo’yilmaganini qayd etdi.
Prezident yana bir muammoni jiddiy qilib qo’ydi. Bu — fuqarolar siyosiy faolligini o’stirish, ularning siyosiy, ijtimoiy va davlat hayotidagi faol ishtirokiga erishish masalasi.