Fanni o'rganishning ahamiyati, maqsadi va vazifalari. Ozuqalarning to‘yimliligini kimyoviy tarkibiga qarab baholash. Reja

Nazorat savollari

1. 
   Hazmlanish darajasi qanday aniqlanadi?
   
2. 
   Hazmlanish koeffitsenti qanday topiladi?
   
3. 
   Protein nisbati nima qanday topiladi?
   
4. 
   Hazmlanish darajasiga ta’sir etuvchi omillar nimada
   

3-MAVZU: OZUQALARNING UMUMIY TO‘YIMLILIGINI BAHOLASH


REJA:

1. Hayvon organizmida modda va energiya almashinuvini o‘rganish usullari.

2. Ozuqalarning tuyimliligini yog‘ hosil qilishiga qarab baholash, O.Kelner konstantlari. Suli ozuqa birligi.
3. Ozuqalarning to‘yimliligini energiya berishiga qarab baholash, almashinuv energiyasi chizmasi, energetik ozuqa birligi.


Tayanch iboralar: moddiy o‘zgarish, O.Kelner konstantlari, suli ozuqa birligi, almashinuv energiya, energetik ozuqa birligi.


Tavsiya etiladigan adabiyotlar ro’yxati
Asosiy adabiyotlar:

1.Hamroqulov R., Karibayev К. Qishloq xo’jalik hayvonlarini oziqlantirish. Тоshkent 1999.

2.Петухова Е.А. и др. Практикум по кормлению сельскохозяйственных животных. М.1991.
3.Богданов Г.А. Кормление сельскохозяйственных животных. М.1990.


Xorijiy adabiyotlar:

1.Jurgens Marshall H , Bregendahl Kristjan , Coverdale Jozie , Hansen Stephanie L. Animal Feeding and Nutrition. Kendall Hunt Publishing; 11 edition.

Qo’shimcha adabiyotlar:
1.Калашников А.П. и др. Научные основы полноценного кормления сельскoхозяйственных животных М. 2003.
2.Durst L., Vittman M. Qishloq xo’jaligi hayvonlarni oziqlantirish. Urganch 2010.
3.B. Yahyayev, Q. Haydarov. Ozuqalarning zootexniyaviy tahlili. Samarqand 2012. (uslubiy qo’llanma).
4.Zooveterinariya jurnali.
Internet saytlari:
www.wikipedia;
www.cnshb.ru;
www.ya-fermer.ru


. Ozuqalarning to‘yimliligini hazmlanadigan to‘yimlik moddalar miqdoriga qarab baholash chorvachilik amaliyotida keng ko‘lamda qo‘llanila boshlandi, ammo ilmiy malumotlarning to‘planishi, amaliyotdagi tajribalarning oshishi bilan to‘yimlilikni bu usulda baholashning kamchiliklari namoyon bo‘la boshladi. Chunki ozuqa tarkibidagi hazmlanadigan moddalarning barchasi mahsulot ishlab chiqarishda bir xilda ishtirok etmaydi. M Suli donida va bug‘doy kepagida hazmlanadigan moddalar yig‘indisi deyarlik bir xil 60-62% , lekin bir xil miqdorda mahsulot olish uchun bug‘doy kepagidan suli doniga nisbatan 25% ko‘p berilishi talab etiladi. Ozuqalarning to‘yimliligini baholash sistemasini takomillashtirish uchun fanga chorak asr talab etildi va XIX asrning oxirida hazmlanadigan moddalarning hayvon organizmida o‘zgarishini o‘rganishning yangi usullari ishlab chiqildi.
Oziqlantirish hisobiga hayvon organizimida yuz beradigan moddiy o‘zgarishlarni o‘rganishda o‘tgan asrning oxirlarida nazorat hayvon usuli qo‘llanila boshlandi. Bu usulda kelib chiqishi jihatidan bir xil ko‘rsatgichga ega bo‘lgan ikki guruh hayvon olinib tajriba oldidan 1-2 boshdan so‘yiladi va barcha so‘yim mahsulotlaridagi oqsil va yog‘ miqdori aniqlanadi. Qolgan hayvonlar bir xil turdagi ozuqalar aralashmasi bilan oziqlantiriladi. 2chi guruhdagi hayvonlarga o‘rganilayotgan ozuqadan qo‘shimcha beriladi va tajriba oxirida yani 1-2 bosh hayvon so‘yib ko‘riladi, shu qo‘shimcha ozuqa hisobiga organizmda jamg‘arilgan oqsil va yog‘ miqdori aniqlanadi va shu asosida ozuqaga baho beriladi. Bu sahoda I.S.Popov tomonidan bo‘rdoqiga boqiladigan cho‘chqalar ustida o‘tkazilgan tajriba natijalari qiziqarlidir.Tajriba guruhidagi cho‘chqalar, nazorat guruhiga nisbatan, tajriba davomida 81,89 kg ko‘p arpa donini is’temol qilgan va organizmda qo‘shimcha 2612,5 g oqsil, 9817,7 g. qo‘shimcha yog‘ jamg‘arilgan. Agarda 1 g oqsilning energetik qimmati 5,7 kkal ga,1 g yog‘niki 9,5 kkal ga teng bo‘lsa, nazorat guruhi bilan tajriba guruhi o‘rtasidagi farq 108159 kkal ni tashkil etadi.
Nazorat hayvon usuli ning qulayligi ozuqalarning hazmlanishini aniqlamasdan turib, o‘rganilayotgan ozuqaning to‘yimliligi to‘g‘risida va uning organizmga ko‘rsatgan ta’siri to‘g‘risida aniq ma’lumotlar olish imkoniyatiga ega bo‘lish mumkin, bunda murakkab laboratoriya jihozlari ham talab qilinmaydi, ammo bu usulni katta va qimmatli hayvonlarga qo‘llab bo‘lmaydi.
Oziqlantirish hisobiga hayvon organizmida yuz beradigan moddiy o‘zgarishlarni anchagina takomillashgan tenglik usuli yordamida ham aniqlash mumkin. Buning uchun organizmga tushayotgan va chiqayotgan azot va uglerod yoki energiya miqdorini bilish zarur. Organizmga tushayotgan suv, mineral moddalar energiya bermasligi sababli hisobga olinmaydi. Shu bilan bir qatorda organizmda hosil bo‘ladigan uglevod ham hisobga olinmaydi, chunki uning miqdori juda kam. 400-500 kg tirik vaznga ega bo‘lgan sigir organizimida atigi 2 kg uglevod jamg‘ariladi. Agarda oziqlantirish me’yorda bo‘lsa organizmda uglevod miqdori sezilarlik darajada o‘zgarmaydi. Hayvon organizimida ter bilan ajraladigan azot va uglerod miqdori juda kam bo‘lganligi sababli moddalar va energiya almashinuvi tengligini hisoblashda inobatga olinmaydi.
Azot va uglerod tengligi yordamida hayvon tanasida hosil bo‘ladigan yoki sarflanadigan oqsil va yog‘ miqdorini oziqlantirishning aniq bir holatida hisoblash mumkin.
Organizmda azot tengligini belgilash uchun ozuqa tarkibidagi va organizmdan chiqariladigan suyuq va quyuq ajraluvchilardagi azot va uglerod miqdorini aniqlash zarur. Jamg‘arilgan N=Ozuqadagi - N-Tezakdagi N-Siydikdagi N
Sut beruvchi sigirlarda ozuqadagi azotdan sutdagi azot ham ajratiladi.
Azot tengligini belgilash uchun, hazmlanishni aniqlash tajribasi o‘tkaziladi,qo‘shimcha holda hayvon tomonidan ajratiladigan siydik va sut beruvchi sigirlarda sut miqdori hisobga olinadi. Azot tengligi oziqlantarish harakteriga va fiziologik holatiga qarab uch xil ahamiyatga ega bo‘ladi 1.Ijobiy, 2.Salbiy, 3.Nulevoy. Nulevoy azot tengligida hayvon organizmida oqsil jamg‘arilmaydi, ozuqadagi jami protein hayvonning tiriklikni saqlashi va sut ishlab chiqarishi uchun sarflanadi. Ijobiy azot tengligi ozuqada protein yetarlik darajada bo‘lganda kuzatiladi.Salbiy azot tengligi proteinli ochlik vujudga kelganda yoki sigir sutida azot miqdorining ajralishi ozuqada qabul qilayotganiga nisbatan ko‘p bo‘lsa. Bunday holatda organizm o‘zidagi oqsilni sarflashga majbur bo‘ladi natijada hayvon ozadi,vazn yo‘qatadi.
Hayvon tanasida uglerod tengligi quyidagi formula bilan topiladi.
Jamg‘arilgan S = Ozuqadagi S-tezakdagi S- siydikdagi S-nafas gazlaridagi S-ichak gazlaridagi S Sut beruchi sigirlarda ozuqadagi ugleroddan sutdagi uglerod ham olinib tashlanadi. Tenglikni aniqlash uchun organizm tomonidan ajratilgan suyuq va quyuq ajraluvchilar bilan bir qatorda nafas va ichak gazlaridagi uglerod hisobga olinishi zarur.
Gazlar va energiya almashinuvini aniqlash masalasi bo‘yicha izlanishlar rus olimlari V.V.Pashutin, A.A.Lixachev va M.N.SHaternikovlarga taalluqlidir. Dunyoda birinchi marotaba kalorimetr bir vaqtning o‘zida gaz almashinuvini ham hisoblagich qurilma V.V.Pashutin laboratoriyasida, chet mamlakatlarga nisbatan 10-12 yil oldin yaratilgan.
Hayvon tanasida hazmlanadigan organik moddalarning kimyoviy o‘zgarishi energiya almashinuvining ajralmas qismi bo‘lib, bir xil jarayonning har xil formasi hisoblanadi. Shuning uchun oziqlantirish hisobiga hayvon organizmida yuz beradigan o‘zgarishlarni energiya tengligi asosida ham bilish mumkin.
Hayvon organizmidagi energetik tenglik chizmasi birinchi bo‘lib Amerikalik olim G.Armsbi tomonidan taklif qilingan.
Hazmlanadigan moddalar energiyasi Ozuqadagi umumiy energiya –tezakdagi energiya.

Nazorat savoli

1. 
   Oragnizm uchun proteinning ahamiyati namalardan iborat?
   
2. 
   Proteinlar nimadan tashkil topgan?
   
3. 
   Ozuqalar tarkibidagi proteiindan foydalaning darajasi qanday aniqlanadi?
   

4.Kritik aminokislotalarga qaysi aminokislotalar kiradi?