Farg‘ona tumani, Maydon mfy maydon ko‘chasida yashovchi fuqaro Qo`ziboyeva Oygul Soliyevnaga

Adliya bo‘limi boshlig‘i B.Toxirjonov

Ijrochi : A.Anvarov

Tel: [phone]

2022-yil 17-yanvar 4/3-3/382-son

Farg‘ona tumani, O‘zbekiston MFY Terakzor ko‘chasi 54-uyda yashovchi fuqaro Yuldasheva Muyasarxonga

Farg‘ona tuman adliya bo‘limi tomonidan, Sizning tuman Aholi bandligiga ko‘maklashish markazi tomonida avgust, sentabr va oktabr oylari uchun to‘lanishi lozim bo‘lgan ish xaqlari to‘lab berilmay kelinayotganligidan norozi bo‘lib qilgan murojaatingiz vakolat doirasida o‘rganildi.
Xususan, murojaatni qonuniy xal etish maqsadida, tuman adliya bo‘limi tomonidan Farg‘ona tuman Aholi bandligiga ko‘maklashish markaziga tegishli tartibda so‘rov xatlari kiritish orqali, tuman Aholi bandligiga ko‘maklashish markazining 2022-yil 12-yanvardagi 1284400007-sonli to‘lov topshiriqnomasiga asosan Sizga to‘lanmay qolgan ish xaqlaringiz to‘lab berilishi ta’minlandi.
Murojaatingizni ko‘rib chiqish natijasi bo‘yicha 2017-yil 11-sentyabrdagi “Jismoniy va yuridik shaxslarning murojaatlari to‘g‘risida”gi O‘RQ-445-sonli qonuni talablariga ko‘ra, Sizga yuborilgan javob xatidan norozi bo‘lsangiz, belgilangan tartibda yuqori turuvchi organga yoki sudga murojaat qilishingiz mumkinligi tushuntiriladi.


Adliya bo‘limi boshlig‘i B.Toxirjonov

Ijrochi : A.Anvarov

Tel: [phone]

2022-yil 18-yanvar 3/23-son

“HududgazFarg`ona” GTF Farg`ona tuman bo`limi boshlig`i Z.Umurzaqovga

O‘zbekiston Respublikasi Prezidentining 2018-yil 13-apreldagi “O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar to‘g‘risida”gi PQ-3666-sonli qarorining 1-ilovasi bilan tasdiqlangan Nizomga ko‘ra, adliya organlari tekshirish o‘tkazish, jismoniy va yuridik shaxslarning murojaatlarini o‘rganish, shuningdek Vazirlik vakolatiga kiruvchi masalalar bo‘yicha axborot-tahliliy materiallarni tayyorlash uchun vazirliklar, davlat qo‘mitalari, idoralar, ilmiy va ta’lim muassasalari va boshqa tashkilotlar vakillarini chaqirish va jalb etishi belgilangan.
Farg‘ona tuman adliya bo‘limi tomonidan Farg‘ona tumani, Bo`ston MFY, Oraliq ko‘chasi 129-uyda yashovchi fuqaro Egamberdiyeva Shahodat Rasulovnaning tabiiy gaz iste’moli uchun hisoblangan qarzdorlikdan norozi bo‘lib qilgan murojaati o‘rganilmoqda.
Shu bois, Sizdan fuqaro Egamberdiyeva Shahodat Rasulovnaning murojaatida ko‘rsatilgan barcha holatlarni joyiga chiqish orqali o‘rganib, murojaatni ijobiy hal etishingizni va O‘zbekiston Respublikasining 2017-yil 11-sentyabrdagi “Jismoniy va yuridik shaxslarning murojaatlari to‘g‘risida”gi O‘RQ-445-sonli qonunining 24-moddasi asasan, murojaatni ko‘rib chiqish natijasi yuzasidan joriy yilning 21-yanvar kuni soat 10-00ga qadar tuman adliya bo‘limiga batafsil ma’lumot taqdim etishingizni so‘raladi.
Ilova: 2 varoqdan iborat.