Фармацевтика таълим ва тадқИҚот институти малака ошириш ва қайта тайёрлаш маркази

Хўжалик юритувчи субъект – мулк шаклидан қатъий назар, корхона ёки 
мустақил тадбиркорлик фаолияти билан шуғулланувчи якка тадбиркор; 

---

106 
Назорат органлари – хўжалик юритувчи субъектлар фаолиятини давлат 
томонидан назорат қилишга қонун хужжатлари билан ваколат берилган вазирлик ва 
идоралар; 
Текшириш – молия ва солиқ масалалари бўйича қонунлар ҳамда банкларга тақдим 
этиладиган ҳисобга олиш ва хисобот ишларининг тўғрилиги устидан назоратни амалга 
ошириш мақсадида хўжалик юритувчи субъектларнинг бухғалтерлик, молия бошқа 
хужжатларини текшириш; 
Муқобил текшириш – операциялар бирлиги туфайли ўзаро боғлиқ бўлган турли 
хўжалик юритувчи субъектлардаги ёки бир хўжалик юритувчи субъектларнинг турли 
бўлинмалардаги хужжатларни таққослашдан иборат текширув; 
Назорат тартибида текшириш – хўжалик юритувчи субъектларнинг илгариги 
текширишда кўрсатилган қоидабузарликларни бартараф этиши устидан назорат органлари 
амалга оширадиган текшириш; 
Менежмент – бошқариш тамойиллари, функция ва усулларини қўллаган ҳолда 
белгиланган мақсадга эришиш учун мавжуд ресурслардан (моддий, молиявий, меҳнат, 
ахборат) самарали фойдаланишга қаратилган фаолиятдир. 
Фармацевтик менежмент – фармацевтика фаолиятининг асосини ташкил этган 
аҳоли ва даволаш муассасаларини самарали дори воситалари ва тиббий буюмлар билан 
таъминлаш мақсадида инсонлар, молия, ишлаб чиқариш ва сотув фаолиятини бошқаришга 
қаратилган жараёндир. 
Ташкилотнинг мақсади – бу белгиланган вақт давомида барча ҳодимларнинг 
мувофиқлаштирилган хатти – харакатлари ёрдамида эришиш мумкин бўлган исталган 
холат ёки натижа. 
Доимий (узлуксиз) ва даврий такрорланадиган мақсадлар – мунтазам равишда 
белгиланадиган ва амалга ошириладиган мақсадлар. Масалан, меҳнат унумдорлигини 
ошириш, интизомни мустахкамлаш, маҳсулот сифатини ошириш, таннархи пасайтириш 
каби узлуксиз равишда белгиланадиган мақсадлар.