Фармацевтика таълим ва тадқИҚот институти малака ошириш ва қайта тайёрлаш маркази

Фурсатли мақсадлар – бирор бир муаммони ҳал этиш зарурати туғилган ҳолларда 
белгиланадиган мақсадлар. Масалан, корхонани қайта ускуналаш, жихозларни янгилаш. 
Бошқарув функциялари – бу бошқарув фаолиятида бажарилган ишларнинг 
мазмунан бир турда бўлиши ва уларнинг мақсадли йўналтирилиши аломати бўйича 
ажратиладиган ихтисослашган турлари. 
Режалаштириш -  бошқарувнинг асосий ва дастлабки функциясидир. Ҳар қандай 
бошқариш режа тузишдан бошланади.
Ташкил қилиш функцияси – жорий ва сретегик режаларнинг ижросини 
таъминлаш бўйича биринчи қадамдир. Бу функция ёрдамида режаларни амалга ошириш 
бўйича бошқарув жараёнлар белгиланади.
Мувофиқлаштиришнинг – асосий вазифаси оқилона алоқалар ўрнатиш йўли 
билан бошқариладиган тизимнинг турли қисмлари ўртасида келишиб иш олиб боришни 
таъминлашдир.
Тартибга солиш – мувофиқлаштиришнинг давоми бўлиб, у содир бўлиб турадиган 
четланишларни бартараф этиб, оғишларнинг олдини олиш чораларини кўради.
Назорат қилиш – функциясининг мақсади бошқарув объектида содир булаётган 
жараёнларни ҳисобга олиш, тахлил қилиш ва маълум тартибда шу объект фаолиятини 
созлаб туришдир.
Моддий жавобгарлик – бу ташкилотлар, бўғинлар, мутасадди ходимлар ва 
мансабдор шахсларнинг белгиланган вазифаларни сифатли, ўз вақтида бажариш ҳамда 
хужалик фаолиятининг натижалари учун юклатилган маъсулиятидир. 
Интизомий жавобгарлик – бу белгиланган вазифаларни бажармаслик ва хизмат 
бурчларини бузиш, ваколатларни суистеъмол қилиш оқибатида келиб чиқадиган 
маъсулиятдир.

---

107 
Маъмурий жавобгарлик – хуқуқий жавобгарлик бўлиб, вакиллик идораси ёки 
мансабдор ходимнинг қонунбузарликка йўл қўйган шахсга нисбатан маъмурий жазо 
чорасини қўллашида намаён бўлади. 
Жиноий жавобгарлик – бу мансабдор шахс томонидан лавозимини суистеъмол 
қилиш билан боғлиқ жиноят содир этилганида судда белгиланадиган жазолардир.