«фармацевтикада бошқарув» фанидан фармация факультети 5 – курс талабаларининг

14-машғулот. Маркетинг таҳлилини ахборот манбалари билан таъминлаш
Машғулот мақсади
Талабаларда маркетинг тадқиқотлари тушунчаси ва аҳамиятини шакллантириш, ва уларни ахборот манбалари билан таъминлаш. Маркетинг тадқиқотларининг асосий турлари ва типларини тушунтириш ва ёритиш. Фармацевтик корхонада маркетинг ахборотининг шаклланиш тамойиллари хусусиятлари ва тавсифларини кўрсатиб бериш. Маркетинг ахборот тизими шаклланишининг асосий ҳолатларини белгилаш.
Мавзунинг аҳамияти
Маркетингни қўллаб, ишлаб чиқарувчи ёки улгуржи-чакана корхонаси нимани ва қандай ишлаб чиқиш, маҳсулотни қаерга йўллаш, унга қандай нарҳ белгилаш ва ҳ. ни режалаштиради. Бунинг учун ўзининг потенциал харидорини, унинг имкониятлари, хохишларини билиш зарур, ҳамда бозордаги аналогик маҳсулот, унга талаб ҳолати ва ҳ. ҳақида ахборотга эга бўлиши зарур. Бу ахборотга маркетинг тадқиқотлари жараёнида эришиш мумкин.
Мустақил тайёргарлик учун саволлар

1. 
   Маркетинг тадқиқотлар объектлари
   
2. 
   Маркетинг тадқиқотларини ташкил қилишнинг босқичларини тасвирланг
   
3. 
   Маркетинг коммуникациялари тизими тадқиқотига таъриф беринг
   
4. 
   “Сўров” ва “Кузатув” услубларининг фарқи нимада?
   
5. 
   Кабинет тадқиқотларига нималар киради?
   
6. 
   Маркетинг ахборот тизими тушунчасига таъриф беринг.
   

Амалий вазифалар
Вазифа №1
Дори воситаларининг маълум бир гуруҳи ёки тиббиёт буюмлари бўйича истеъмолчиларининг сўрови учун анкета тузинг.
Вазифа №2
Желатин капсулалардан ДВ ишлаб чиқариш бўйича ускуна сотиб олиш ҳақидаги қарор қабул қилиш мақсадида фармацевтика корхонаси фармацевтика бозорини тузилмасини ўрганиб чиқиши, бозорнинг капсулали воситаларга тўлганлик даражасини аниқлаш, унинг ўсиш тенденциясини аниқлаш зарур.
Маркетинг тадқиқотини босқичма босқич амалга ошириш тузилмасини ишлаб чиқинг (қуйидаги расм бўйича), таклиф этилган йўналишларни мантиқий кетма кетликда жойлаштиринг:

• 
  маълум муаммолар доирасида иккиламчи ахборотни тўплаш, тизимлаштириш ва таҳлил қилиш ;
  
• 
  тадқиқотни амалга оширишнинг мақсадга мувофиқлигини асослаш;
  
• 
  тадқиқотнинг аниқ мақсади ва вазифаларини аниқлаб олиш;
  
• 
  тадқиқотнинг омилларини аниқлаш асосида унинг режасини тузиш;
  
• 
  бирламчи ахборот олишга йўналтирилган тадқиқот режасининг бўлимларини тузатиш;
  
• 
  тадқиқотни ўтказиш ва бирламчи маълумотлар олиш;
  
• 
  тадқиқотнинг якуний натижалари билан ҳисобот тайёрлаш ва тақдим қилиш;
  
• 
  тадқиқот муаммоларини тасвирлаш ва белгилаб олиш (тадқиқот предметини белгилаб олиш);
  
• 
  олинган маълумотларни тизимлаштириш ва таҳлил қилиш;
  
• 
  ўтказилган тадқиқотлар асосида амалга оширилган тадбирларнинг натижалари;
  
• 
  натижаларга ишлов бериш, ҳулосалар чиқариш;
  
• 
  тадқиқот натижаларини қўллаш;
  
• 
  натижаларни бахолаш.
  

1
2
3
4
5
6
7
8
9
10
11
12
13