15-Amaliy mashg‘ulot Mavzu: Texnologik mashinalarni ta’mirlash va texnik servis xizmat ko’rsatish asoslari bilan tanishish

Ta’mirlashga tayyorlash 
Jihozni ta’mirlashga tayyorlash tashkiliy va texnik tadbirlardan iborat. 
Tashkiliy tadbirlarga ta’mirlash murakkabligiga qarab, brigada tarkibini aniqlash; 
asosiy va qo’shimcha materiallarga buyurtma tayyorlash; tsexlarni ta’mirlashning 
boshlanish vaqti va davomiyligi haqida ogohlantirish; yeyilgan detallarni tiklash 
usullarini aniqlash; yangi detallar tayyorlash; ta’mirlash ishlarini amalga oshirish uchun 
vositalarni tanlash.
Texnik tadbirlarga chizma va sxemalarni o’rganish; kerakli instrument va 
moslamalarni, yuk ko’tarish va tashish vositalarini, ehtiyot qismlar va materiallarni 
tayyorlash kiradi. 
Ta’mir oldi davrida bosh yoki tsex mexanigi mashinaning umumiy texnik holatini 
aniqlash maqsadida tashqi ko’rik, mashinada ishlovchi operator va appratchilar bilan 
so’rov o’tkazish, mashinaning ishlashini eshitib ko’rish, detalning isishi, jihozning ish 
jurnalini o’rganish yo’li bilan kuzatuv o’tkazadi. 
Tashqi ko’rik alohida detalning yeyilish darajasini aniq lash, ularda yoriq va 
tirnalishlar, bolt, gayka, vint, shayba, shplintlar mavjudligini, rezbalar yaroqliligini, 
singan, egilgan qismlar mavjudligini aniqlash imkonini beradi. 
Harakatlanadigan detallar holatini o’rganish uchun himoya va saqlanish qurilmalari 
olib tashlanadi, zazor, ilashma, birikmalarning holati tekshiriladi.
Apparatchi va operatorlar so’rovini o’tkazish bilan uni ishlatishning turli 
bosqichlarida ishga tushirish, to’xtatish, turli tezlik va yuklamalarda mashina texnik 
holati, ish aniqligi, nosozligi aniqlanadi. 

---

Ushlab ko’rganda qo’l kuymasa (70
0
S gacha), detal normal ishlayapti. Bunda albatta 
mashina to’xtatilgan bo’lishi lozim. Shovqinning xarakteriga ko’ra tishli g’ildirak, 
podshipnik, vtulkalar holati haqida xulosa qilish mumkin.
Mashinaning vibratsiya bilan ishlayotganini ham ushlab ko’rish yo’li bilan aniqlash 
mumkin. Aylanuvchi qismlar muvozanati buzilsa, mashinaning fundamentdagi holati 
susaysa, zo’riqish bilan ishlasa, vibratsiya kuchayadi.