Bino va inshootlarni barpo etish texnologiyasi 5580200 − «Bino va inshootlar qurilishi»
Download 1.14 Mb. Pdf ko'rish
|
Bino va inshootlarni barpo etish texnologiyasi
|
Nazorat savollari
1. Ko‘p qavatli to‘la yig‘ma binolarning qurilish-konstruktiv yechimi qanday? 2. Ko‘p qavatli to‘la yig‘ma binolarni barpo qilishda qurilish maydoni qanday tashkil qilinadi? 3. Ko‘p qavatli to‘la yig‘ma binolarni barpo qilishda ishlarning bajarilishi va mehnat qanday tashkil qilinadi ? 4. Ko‘p qavatli to‘la yig‘ma binolarning yer usti qismini montaj qilishda jarayonlar tarkibi va texnologiyasi. 14. Binolarni qayta qurish, ta’mirlash va qayta tiklash bo‘yichaasosiy qoidalar va tushunchalar. Binolarni qayta qurish, ta’mirlash va qayta tiklashni loyihalashtirish. Ishlarni tashkil qilish va bajarish loyihalarini ishlab chiqish Binolar va inshootlardan foydalanish jarayonida ular ma’naviy va jismoniy eskirishga uchraydilar. Binoning ma’naviy eskirishida uning rejalashtirish yechimilari, muhandislik va texnologik asbob-uskunalari, sanitar-texnik jihozlari va boshqa xususiyatlari zamonaviy talablarga javob bermay qoladi. Jismoniy eskirishda esa binoga ko‘rsatilayotgan foydalanishga oid ta’sirlar natijasida uning konstruktiv elementlari o‘zlarining dastlabki yuk ko‘tarish qobiliyatiga mos keluvchi ko‘rsatkich larini yo‘qotadilar, ularda vazifasini normal bajarishga yo‘l qo‘ymaydigan noqulay sharoitlarni yaratuvchi yoki insonlarning hayoti va faoliyati uchun xavfli bo‘lgan nuqsonlar paydo bo‘ladi. Shuning uchun binolarning ta’mirlanishi va qayta tiklanishi zaruriyatini keltirib chiqaruvchi asosiy omillar va sabablar – ularning ma’naviy va jismoniy eskirishi hisoblanadi. Ma’naviy eskirish sabablariga asosan vaqt o‘tishi bilan zamonaviy talablarning o‘zgarishi kirsa, jismoniy eskirish sabablari qatoriga asosan binolardan noto‘g‘ri foydalanish, tabiiy ofatlar 59 (zilzilalar, suv toshqinlari), favqulodda hodisalar (yong‘inlar, portlashlar) kiradi. Insonlarning hayoti va faoliyati davomida zamonaviy talablarni qondirish maqsadida uy-joy va sanoat ishlab chiqarishi uchun qurilgan binolarning ma’naviy eskirishini bartaraf qilish zaruriyati tug‘iladi. Bu zaruriyatni bartaraf qilish uchun esa binolarning qayta qurilishi va texnik qayta qurollantirilishi amalga oshiriladi. Тexnik qayta qurollantirilish − binolarni rejalashtirish va konstruktiv yechimlarini o‘zgartirish, eskirgan muhandislik va ishlab chiqarish uskunalarini almashtirish, insonlarning yashashi va ishlab chiqarish faoliyati uchun yuqori komfortli sharoitlar yaratilishini taqozo qiladi. Bozor iqtisodiyoti sharoitlarida jamiyatning tobora o‘sib boruvchi ehtiyojlarini qondirish uchun doimo yangidan-yangi tovarlarni ishlab chiqarishga zaruriyat paydo bo‘ladi. Bu esa yangi sanoat binolarni qurish bilan birga avvaldan mavjud bo‘lgan binolarni ham yangi maxsulot ishlab chiqarishni yo‘lga qo‘yishga moslashtirish, ya’ni ularni qaytadan profillashtirish zaruriyatini tug‘diradi. Bundan kelib chiqib, binoning yangi maxsulot ishlab chiqarishni yo‘lga qo‘yishga qaratilgan profilini o‘zgartirishga – binoni qaytadan profillashtirish deb ataladi. Masalan, ilgari temirbeton konsruksiyalar ishlab chiqargan zavodning bosh ishlab chiqarish korpusida sopol plitkalarni ishlab chiqarishni yo‘lga qo‘yish maqsadga muvofiq deb topilgan bo‘lsin. Unda bu binoda qayta profillashtirish ishlarini amalga oshirish lozim bo‘ladi. Demak, ma’naviy va jismoniy eskirgan binolarda eskirishning salbiy oqibatlarini bartaraf qilish uchun albatta ta’mirlash, qayta qurish va qayta tiklash bo‘yicha tegishli ishlar bajarilishi lozim. Bu ishlarni bajarish uchun esa avvalam bor belgilangan tartibda qurilishga oid va maxsus loyihalashtirishni amalga oshirish talab qilinadi. Download 1.14 Mb. Do'stlaringiz bilan baham: 
|