Ойбекдиссер

Yakka harakatlar: Himoya to‘siqlari qo‘yishda yakka harakatlar deb o‘yinchining yakka holda himoya to‘sig‘i qo‘yishi tushuniladi. Bu harakatda u joy tanlashi to‘p qabul qilishi va hujum urishlarini to‘sishidan iborat bo‘ladi. Joy tanlashi o‘yinchining chapga, o‘nga, oldiga va orqaga siljish harakatlari bilan amalga oshadi. Shu bilan birga o‘yinchi qaysi zonadan hujum uyushtirilishi va hujum kuchi yoki aldov harakatlari bo‘lishini nazorat qilib turadi. Himoya taktikasida asosiy vazifani birinchi to‘pni qabul qilish hisoblanadi. Jamoada birinchi to‘pni doimiy qabul qiluvchi o‘yinchi bo‘lishi mumkin. U birinchi to‘pni qabul qilib hujum uchun sharoit yaratishi kerak. Hujum urishlarida to‘pni to‘g‘ri qabul qilish hamda o‘yinni davom etkazish himoyachilarning asosiy vazifasidir. Himoyachilar hujum urishlari qanday masofada bajarildi, to‘pning uchish tezligi, yo‘nalishi, aldov harakatlari hamda himoya to‘siqlarini yorib o‘tishini hisobga olishi kerak.
Himoyada guruh va jamoaning harakatlari. Himoyada 2-3 o‘yinchini o‘zaro kelishilgan holda harakatlanishi barcha o‘yin liniyalarida bajarilishi mumkin. Bu holat himoya to‘siqlari qo‘yishda hamda aldov harakatlarini bartaraf etishda aniq namoyon bo‘ladi. Himoyachilarning guruh bo‘lib himoya to‘sig‘ini qo‘yishi hujum urishlarini ko‘p qismini bartaraf etadi. Shunga qaramay kuchli urilgan hujum urishi yoki aldov harakatlari to‘siqni yorib o‘tadi. Bunda qo‘shimcha himoyachining o‘z joyida turishi yoki xioyalanish joyiga o‘z vaqtida etib kelishi muhim ahamiyatga ega. Hozirgi kunda voleybol o‘yinini murakkablashib borishi va voleybolchilarniing jismoniy texnik va taktik jihatdan takomillashganligi har qanday himoya to‘sig‘i qo‘yishga ruxsat beradi.

Hujum taktikasi: bu taktik usullar hujum urishlari, yakka holdagi hujum harakatlari va hujumda guruh, jamoa harakatlariga bo‘linadi.

Yakka taktik harakatlar: o‘yinchini hujum uyutirish va hujum urishlarini amalga oshirish uchun maqsadga muvofiq bo‘lgan, qulay joylarni tanlashi va to‘p bilan harakat tushuniladi. Joy tanlash deganda o‘yinchini jamoadoshlari va raqiblari holatini yaxshi ko‘rish, maydonda joylshshishi, to‘rga masofasi hamda to‘pni harakatlanish tezligi va yo‘nalishini aniqlay olish va baholash tushuniladi. O‘yinchi joyni o‘zgartirish davomida kelgusi bajaradigan harakatlarini rejalashtiradi yoki hujum va to‘siq qo‘yishlarni amalga oshiradi. To‘pni o‘yinga kiritishda o‘yinchi bir necha masalalarni hal etish kerak. To‘pni qanday tezlikda va yo‘nalishda uzatish, kimga yoki ochiq joyshga uzatish, raqib o‘yinchilari turish holatini, himoyasini hamda o‘zining jismoniy harakat malaka va ko‘nikmalarini hisobga olishi kerak. To‘pni o‘yinga kiritishni hamma turdagi usullari ham samarali. Shuning uchun o‘yinchilar to‘pni o‘yinga kiritishni barcha usullarini bilishi va har xil yo‘nalishda va har xil tezlikda to‘p uzatish malakasi va ko‘nikmasiga, jismoniy kuchga ega bo‘lishi kerak.