2.
|
I. Fanning mazmuni
“Jamoat xavfsizligini ta’minlash asoslari” fanini o‘rganishdan maqsadi oliy harbiy ta’lim muassasalarining kursant va tinglovchilarida jamoat xavfsizligini ta’minlash faoliyatini tartibga soluvchi normativ-huquqiy hujjatlar normalarini qo‘llash bo‘yicha nazariy bilimlar va amaliy ko‘nikmalarni shakllashtirishdir.
Fanning vazifalari jamoat xavfsizligini ta’minlash asoslariga oid umumnazariy bilimlarni shakllantirish, sohaga oid yuridik hujjatlarni tuzish va rasmiylashtirish bo‘yicha amaliy ko‘nikmalarni shakllantirish, muammoli vaziyatlarni hal qilishga oid normativ-huquqiy hujjatlarni topish va qo‘llash ko‘nikmalarini shakllantirish, mantiqiy savollarga huquqiy jihatdan asoslangan javoblar berish ko‘nikmalarini shakllantirish, ta’lim oluvchilarga mustaqil ta’lim orqali bilim olishga ko‘maklashish.
II. Asosiy nazariy qism (ma’ruza mash’ulotlari)
II.I. Fan tarkibiga quyidagi mavzular kiradi:
1-mavzu: Jamoat xavfsizligini ta’minlash asoslari fanining predmeti va tizimi. Jamoat xavfsizligini ta’minlash sohasidagi qonuniy talablar.
Jamoat xavfsizligini ta’minlash asoslari, tizimi, jamoat xavfsizligini ta’minlash sohasidagi qonuniy talablar tushunchasi va mohiyati.
2-mavzu: Jamoat xavfsizligini ta’minlash obyektlari va subyektlari.
Jamoat xavfsizligini ta’minlash obyektlari va subyektlarining faoliyat yo‘nalishlari, asosiy vazifalari, shakllari, usullari va rejimi.
3-mavzu: Jamoat xavfsizligini ta’minlashni tashkillashtirish, hamkorlikni amalga oshirish va nazorat qilish. Ommaviy tadbirlarni o‘tkazishda jamoat tartibi va xavfsizlikni ta’minlash. Jamoat xavfsizligini ta’minlash faoliyatini muvofiqlashtirish.
Jamoat xavfsizligini ta’minlashni tashkillashtirish va hamkorlikni amalga oshirish, ta’minlash va nazorat qilish, ommaviy tadbirlarni o’tkazishda jamoat tartibi va xavfsizlikni ta’minlash, jamoat xavfsizligini ta’minlash faoliyatini muvofiqlashtirish.
4-mavzu: Yig‘ilishlar, mitinglar, namoyishlar o’tkazishda fuqarolar xavfsizligini va jamoat tartibini saqlash. Ommaviy tartibsizliklarning tasniflanishi va bartaraf etish choralari. Xorijiy davlatlarda sodir etilayotgan ommaviy chiqish, namoyish va tartibsizliklar, ularni bartaraf etish tajribasi.
Yig‘ilishlar, mitinglar, namoyishlar tushunchasi va mohiyati, fuqarolar xavfsizligini va jamoat tartibini saqlashni tashkil etish tartibi, ommaviy tartibsizliklar tushunchasi va tasnifi, Ichki ishlar organlarining ommaviy tartibsizliklar yuzaga kelganda jamoat tartibini saqlash bo’yicha vazifalari.
|
