Я. Маматова, С. Сулайманова

Натижаларни 5дан 1гача бўлган шкалада баҳолаш (5- энг юқори баҳо) 
бўйича тавсиялар: 
5: талаба ОАВ ўртасидаги фарқни турли қарашлар воситасида таҳлил қилди, 
барча саволларга тўлиқ жавоб берди.
4: талаба медиамуҳитдаги тафовутни турли нуқтаи назардан кўриб чиқди.  
Мазкур машқни бажариш жараёнида у янги медиа технологияларни ривожи ҳақида 
ўзи учун янги билим олди, аммо жавоби янада тўлиқ бўлиши мумкин эди.
3: талаба турли ОАВ ҳақида юзаки фикр юритди. Унинг жавоби 
медиатехнологиялар ривожи бўйича баъзи қарашларга таянган.
2: талаба ОАВнинг турлилиги ҳақида фикр юритди, аммо машқни бажариш 
жараёнида кўп нарса ўрганмади. 
1: талаба жавоби қисқа, машқни бажариш жараёнида у бирор нарса ўргангани 
ҳақида фикр билдириш қийин.
 
Ижтимоий медиани баҳолаш 
 
Машғулот мақсади: талабаларни ижтимоий медиани танқидий баҳолашга 
ўргатиш. 
Давомийлиги: 20 дақиқа атрофида. 
Мавзу бўйича материаллар: Интернетга уланган компьютерлар. 
«Медиаларнинг ижтимоий мазмуни» матнини ўқинг. Бир нечта ижтимоий 
медиани танланг. Талабаларни жуфт тарзда бўлинг. Ҳар бир жуфтлик ижтимоий 
медиа сервис(хизмат)ни таҳлил қилиб, қуйидаги саволларга жавоб беради: 
– Мазкур медиасервисдан нима мақсадда фойдаланилади? 
– У ижтимоий ва касбий журналистика коммуникацияларига қандай 
имкониятларни яратади?
– Журналист нуқтаи назарини баён этишда ундан қай тарзда фойдаланиш 
мумкин?
– Ушбу сервисдан фойдаланишда қандай муаммолар вужудга келиши мумкин?
Машғулотнинг якуний қисмида ҳар бир жуфтлик ўз таҳлили натижаларини 
тақдим этиши лозим. Мазкур машғулотнинг яна бир мақсади – таҳлил жараёнига 
барча талабаларни жалб этиш.
Натижаларни 5дан 1гача бўлган шкалада баҳолаш (5- энг юқори баҳо) 
бўйича тавсиялар: