Fermentlerdiń qásiyetleri. - Fermentlerde de anorganikalıq katalizatorlar menen uliwmalıqqa iye bolǵan tán qasiyetleri bar. Anorganikaliq katalizatorlar siyaqli fermentlerde reakciyadan keyin ózgermesten qaladi, lekin reakciya bolip ótip atirǵan ortalıq ferment aktivligine tásir etiw mumkinligin esapqa aliw kerek. Fermentler júdá az koncentraciyada da tásir ete aladi. Misali 370S temperatura buzaw asqazaniniń silekey qabati fermentiniń bir molekulasi minut dawaminda kazeinogenniń 1000 000 ǵa jaqin molekulasina tásir ete aladi, yaǵniy olardi jamley aladi.
- Fermentler belok tabiyatli zatlar bolǵanliǵi sebepli, beloklarǵa tán bolǵan barlıq qásiyetlerge iye boladi. Buǵan olardiń suwdaǵi eritpelerinde kolloid eritpeler payda boliwi, amfoter elektrolitler ekenligin, tarqalip aminokislotalar payda qiliwin dalil etip kórsetiw mumkin. Lekin fermentlerdiń ózine tán ayrim qásiyetleri hám bar. Mısalı, olar tásiriniń qaytariwshańliǵi, termolabilligi hám eritpeniń ortalıqqa, yaǵniy vodorod ionlari koncentraciyasina baylanisliǵi hámde specifikligi (ózine tánligi) sıyaqlılardı kórsetiw mumkin.
Fermentlerdiń qásiyetleri. - Tiri organizmde ótetuǵin ximiyalıq ózgerisler qaytar processler boladi. Soniń ushin fermentler hám qaytar reakciyaniń eki jónelisinde, yaǵniy reakciyani oń hám shep tárepke tezlestiriw qásiyetlerine iye boladi. Fermentativ processlerdiń jónelisi reakciyaǵa kirisip atirǵan zatlardiń hám reakciyalardiń aqirǵi ónimleri koncentraciyasi menen belgilenedi. Bunnan tiri organizmdegi jasalma processler hám kletkalarda zatlardiń tarqaliw processleri fermentler tásiriniń qaytaruwshańliǵi esabında ámelge asırıladı degen juwmaq kelip shıġadı.
- Bir ferment reakcıyanıń ortalıq jaǵdayına qarap zatlardıń sintezleniwin yamasa olardıń tarqalıwın tezlestiriwi mumkin.
- Fermentlerdiń bunday qásiyeti bar ekenligin birinshi mártebe 1988 jılda rus ilimpazi prof. A.Ya. Danilevskiy beloklı zatlardıń sintezleniwi hám olardıń tiykarǵı bólimlerge tarqalıw prosesslerin úyreniw tarawındaǵı ilmiy izertlewlerinde tájriybe jolı menen anıqlap bergen edi. Keyinshelik bolsa I.P.Pavlov, A.I.Oparin hám basqa ilimpazlardıń ilimiy izertlewleri fermentlerdiń bul qásiyetlerin aniqlap bergen
Do'stlaringiz bilan baham: |
