Fidoying Bo’lgaymiz seni, O’zbekiston” mustaqillik bayrami ssenariysi Tadbir “Fidoying bo’lgaymiz seni, O'zbekiston!” shiori asosida o’tkaziladi

O’qituvchi, yana navbat Vatanni madh etuvchi she’rlarga.

• 
  1-o‘quvchi:
  

Serquyosh o'lkadir mening diyorim,
Serquyosh o'lkada tug'ildim, o'sdim,
Tog'lari, bog'lari beqiyos o'lka,
Cho'IIari, chamani betakror o'lka.
Mehrga to'ladir yosh-u qarisi,
Mehmondo‘st xalqimning boriga shukur.

• 
  2-o‘quvchi:
  

Istiqloling muborak bo'lsin,
Omborlaring g'allaga to‘lsin,
Farzandlaring qalqoning bo'lsin,
Omon bo'lgin, O'zbegim omon.

• 
  3-o‘quvchi:
  

Sog'inch bilan tonglari otar,
Erkalanib tog'lari yotar,
Har giyohni nur qo'li bilan Siypab quyosh o'zi uyg'otar.
Nurli bo'ston - hur gulistonim,
Tilda doston - O'zbekistonim.
Shu o'lkaning erkasi bizlar,
Ham buguni, ertasi bizlar,
Kelajagi buyuk Vatanning Vorislari biz o'g'il-qizlar.
Nurli bo'ston - hur gulistonim,
Tilda doston - O'zbekistonim.
Shundan so'ng o'quvchilar jamoasi “O'zbekiston jannat” qo'shig'ini ijro etishadi va she’rxonlik davom etadi.

• 
  4-o‘quvchi:
  

Oftob kelin tushgan bog'laring ko'rkam,
Yalpizlar yastangan dala-dashtlaring.
Osmonga tutashgan oqterak o'lkam,
Ko'nglimda o'zgacha sayr-u gashtlaring.
Vatan, qadrim uyi - xonaqohimsan,
Bobolarim yotar sajdagohimsan.

• 
  5-o‘quvchi:
  

O'ping, ko'zingizga suring tuprog'in,
Har so'zin muqaddas duodek seving.
Qadang yuraklarga millat bayrog'in,
Vatanni Najmiddin Kubrodek seving.

• 
  6-o‘quvchi:
  

O'zbekiston, bo’yi-basting ko'rsat endi,
Pahlavonim, yetdi senga navbat endi.
Olam uzra hilpirasin abad endi,
Sohibqiron Temur tug'i - yashil bayroq.

• 
  7-o‘quvchi:
  

Erk degani o'zi kelib eshik qoqmas,
Jon chekmasang osmonlardan omad yog'mas. Qatoringda botirlaring bo'lsin og'mas,
Gurkirasin Alpomishlar o'tgan tuproq.

• 
  8-o‘quvchi:
  

Oltin beshik avlodining maskanisan,
Alisherlar, Ulug'beklar vatanisan.
Yashnagani - o'z asliga qaytganisan,
Turon yurtda yonsin qayta so'ngan chiroq.

• 
  o‘quvchi:
  

Alla aytsang ayvoningda uxlar quyosh,
Senga mudom iymon yo'ldosh, islom yo'ldosh.
Bor bo'lsin shu qirq o'rim soch, o'smali qosh,
Oq yaktag-u beqasam to'n, shohi belbog'.
Qizlarguruhi ijrosida “Xorazmcha raqs” ijro etiladi.