"Fikrlash dizayn" atamasi turli talqinlarga ega

2-bosqich–fokuslashtirish. To'g'ri yechim topishning yagona usuli – muammoni to'g'ri tushunishdir.
Biznes jarayonida fokuslashtirish juda muhim rol o'ynaydi, chunki odamlar hayoti haqida to'plangan axborotlardan kelib chiqib, hal qilish lozim bo'lgan muammoning yorqin ifodasini olishga imkon beradi. Fokuslashtirishning mazmuni – savolni ifodalashdir.
Axborotni qayta ishlash.
Nuqtai-nazarni ifodalashdan oldin tadqiqotdan keyin olingan axborotni qayta ishlash zarur.
 Klasterlar: o'xshash muammolar turlari muhokama qilinadigan guruhlarga ajratish.
 Shaxs-modellarga ajratish. Shaxs-model bu – sizning servisga xos bo'lgan foydalanuvchilar. Maqsadli muloqot doirasi quyidagicha aniqlanganda: erkaklar, daromad o'rtacha darajadan yuqori – bu umuman hech narsa haqida gapirmaydi. Shu sababli xulq-atvorga oid joylashtirish zarur. Foydalanuvchilarni ijtimoiy demografik omma emas, muayyan kishilar ko'rinishida gavdalantirish (vizuallashtirish) asosida siz kim uchun ishlayotganingizni tushunib eta boshlaysiz. Masalan, uzscience.uz saytidan foydalanuvchilar kim: olimlar, katta ilmiy xodim, ijodiy tadbirkor, jurnalist, dizayner va h.k.o. Ular istalgan yoshda va jinsda bo'lishi mumkin, lekin ularni ma'lum bir turmush uslubi, xulq-atvor va ehtiyojlar birlashtiradi.
 Foydalanuvchilarning eng ahamiyatli aniq fikrlarini ko'chirib olish.
Yaxshi nuqtai-nazar:
 e'tiborni muammoga qaratadi;
 jamoani ilhomlantiradi;
 turli g'oyalarni baholash uchun mezonlar yaratadi;
 jamoaga mustaqil va parallel ravishda qaror qabul qilishga yordam beradi;
 siz uchrashgan odamlarning aqli va qalbini zabt etadi;
 mavhum (boshqarishni samarali tashkil eting kabi)kontseptsiyalar o'rniga amaliy, muayyan kontseptsiyalar ishlab chiqishga yordam beradi.
3-bosqich - g'oyalar ishlab chiqish. Yaxshi g'oya emas, keng imkoniyatlar muhim.
G'oyalar ishlab chiqish bu – g'oyalar va yechimlar ishda asosiy e'tibor qaratish lozim rejim. Fikrlash jarayoni borasida bu bosqich turli xildagi kontseptsiyalar va muammoning echimi sifatida qo'llanishi mumkin bo'lgan natijalarga tarmoqlashish sifatida ko'rinishga ega bo'ladi. Tasavvur etish – prototiplar va innovatsion echimlar yaratish uchun yoqilg'i va xomashyodir.
G'oyalar ishlab chiqish nima uchun kerak? G'oyalar yaratish bu – muammoni aniqlashdan foydalanuvchi uchun uning yechimini yaratishga o'tishdir.
G'oyalar ishlab chiqishning turli usullari quyidagilarga imkon beradi:
 yaqqol ko'rinib turgan yechimlardan uzoqlashish (innovatsion salohiyatni oshirish);
 jamoaviy qarashlar va jamoaning kuchli tomonlaridan foydalanish;
 ilgari e'tibor berilmagan butun boshli sohalarni ochish;
 innovatsion echimlar hajmi va turli-tumanligini ta'minlash;
 yaqqol ko'rinib turgan echimlarni olib tashlash va uzoqni ko'ra bilish.
Imkon qadar ko'proq g'oyalar berish uchun quyidagilarni amalga oshirish zarur:
 tanqidni istisno qilish. Kishi tanqid eshitganda unda himoya reaktsiyasi ishga tushadi va qo'rquv ijodiylik oqimining yo'lini to'sib qo'yadi.
 ijobiy muhit yaratish. Do'stlashing, bir-biringizni qo'llab-quvvatlang. Ayniqsa, guruhda boshliq va qo'l ostidagi xodimlar bo'lsa.
 turli yo'nalishdagi ishtirokchilarni to'plash. Muhokamada turli darajada tajribaga ega bo'lganlar ishtirok etgani yaxshi.
 “ha va …” tamoyilidan foydalanish. Bu hamkasblar g'oyasini shubhasiz qabul qiladigan va uni rivojlantiradigan paytda qo'llanadigan usul. Hamma o'zining g'oyasini yaxshi ko'radi va boshqalarnikini rad qiladi, o'zgalarning fikrini eshitish, chin dildan rozi bo'lish va rivojlantirish variantini taklif qilish uchun ichki tuyg'uni mashq qildirish lozim.
Yetarli miqdorda g'oyalar yaratilgach, qidiruv maydonini toraytirish, oqilona g'oyalar izlash va eng yaxshi g'oyalar tanlashga o'tish mumkin.