Fonetik hodisalarning tildagi ahamiyati va turlari

---

Volume 1, Issue 3. 2022. June. ISSN-2181-3426 
 
www.re-search.uz | 43 
 
FONETIK HODISALARNING TILDAGI AHAMIYATI VA TURLARI 
Maxmudova Kumushxon 
Andijon davlat pedagogika instituti o‘zbek tili va adabiyoti yo‘nalishi 2-bosqich talabasi 
Annotatsiya: Fonetik o‘zgarishlar, tovush o‘zgarishlari – nutq jarayonida so‘zning 
fonetik tuzilishida, tarkibida sodir bo‘ladigan o‘zgarishlar. Nutq jarayonida, talaffuzda tovushlar 
boshqacha aytilishi, tushib qolishi, ba’zan esa tovush orttirilishi, bir tovushning ikkinchisi 
tomonidan moslashtirilishi mumkin. Bu holatlarni quyida batafsil ko‘rib o‘tamiz. 
Kalit so‘zlar: fonetik o‘zgarishlar, kombinator o‘zgarishlar, pozitsion o‘zgarishlar, 
assimilatsiya, akkomodatsiya,dissimilatsiya. 
Annotation: Phonetic changes, sound changes – changes that occur in the phonetic 
structure and structure of a word during speech. In the process of speech, in pronunciation, 
sounds can be pronounced differently, dropped, and sometimes the sound can be increased, one 
sound can be adjusted by another. We will discuss these cases in detail bellow.  
Keywords: phonetic changes, combinatorial changes, positional changes, assimilation, 
accommodation, dissimilation. 
Аннотация: Фонетические изменения, звуковые изменения – изменения, 
происходящие в фонетическом строе и структуре слова во время речи. В процессе речи, 
при произношении звуки могут произноситься по-разному, опускаться, а иногда звук 
может приспосабливаться к другому. Ниже мы подробно обсудим эти случаи. 
Ключевые слова: фонетические изменения, комбинаторные изменение, 
позиционные изменение, ассимиляция, аккомодация, диссимиляция. 
Kirish. Fonetika (yun. Phonetike – tovushga oid ) nutq tovushlari va tovush vositalari 
haqidagi tilshunoslik sohasidir. Fonetika quyidagi masalalarni o‘rganadi: 
-nutq tovushlarining akustik va artikulatsion xususiyatlarini; 
-bo‘g‘in, uning tur va tiplarini;
-fonetik hodisalarni; 
-ohang va uning vazifalarini. Fonetikaning o‘rganilish sohasi va maqsadiga ko‘ra ikki 
turli bo‘ladi: a) umumiy fonetika - jahondagi barcha tillarga xos talaffuz xususiyatlarini 
o‘rganadi; b) tasviriy fonetika – biror tilga xos talaffuz alomatlarini o‘rganadi. 
Fonetika morfologiya va sintaksis, leksikologiya va uslubiyat bilan uzviy bog‘liq, 
chunki tildagi barcha birliklar (so‘z , so‘z shakli, so‘z birikmalari va frazalar) tovushlar 
vositasida namoyon bo‘ladi.
Fonetika artikulatsion – akustik xusisiyatlarini, ularning hosil bo‘lishida nutq 
organlarinining xizmati va fizik tebranishlarni o‘rganishda biologiya, fiziologiya, fizika va 
akustika fanlari bilan ham bog‘lanadi.

---