Gara Seýitliýew Saýlanan eserler

Kelkette — Aşgabat
1956—1959 ý

---

255
ADAM WE DÜNÝÄ

---

256
ADAM WE TOPRAK
Bar eneler garraýarlar dünýäde,
Diňe sen garraňok, ene topragym.
Sen ebedi juwan goja dünýäde,
Seni soldurmaýar sene, topragym,
Al-ýaşyl geýinen, sona topragym.
Gyş gelende agarsaň-da azajyk,
Ýaz gelende juwan ýene, topragym,
Ýaşa sen, ýaz ýaly ýüregi açyk,
Ýaz ýaly mähriban, ene topragym.
Al-ýaşyl geýinen, sona topragym.
Bu dünýäden ötüp gitýän eneler,
Saňa goýup gitýär öz balalaryn.
Öz göwsüňden ak süýt berip, ene ýer,
Sen etmeli hemmäň tagallalaryn,
Saňa goýup gitýär öz balalaryn.

---

257
Seň göwsüňde diriligiň çeşmesin.
Seň goýnuňda dünýäň zowky-sapasy.
Seň goýnuňda sekiz jennet sapasy.
Çäksiz sende ene mähriň joşmasy.
Çäksiz saňa balalaryň wepasy.
Wepaly balalaň iň wepalysy,
Neslimiň adyndan seni gujaklap,
Enesiz galmasyn ynsan balasy!
Diýip, ene toprak gözüňden ogşap,
Saklarys biz seni howpdan gorap.
Bar eneler garraýarlar dünýäde,
Diňe sen garraňok, ene topragym.
Sen ebedi juwan goja dünýäde,
Seni soldurmaýar sene, topragym,
Al-ýaşyl geýinen, sona topragym.
ADAM WE DÜN
ÝÄ
Bir gün gazet okamasam galak men,
Habarym ýok dünýämiň habaryndan.
Men habar tutmaly her gün säherden,
Dünýädäki adamlaryň baryndan.

---

258
«Dünýä bir göwredir, adamzat bir jan!»
Diýip aýtsam-da meger ýalňyşman.
Men parahat bolsam, dünýä parahat.
Men biparahat bolsam, dünýä birahat,
Dünýäň ol ujuwnda otly tupanda
Wiýetnamly bir çagajyk aglanda,
Göýä meniň Akmyradym o tamda
Aglaýan ýaly oýanýaryn ukudan,
Adamzadam oýadýaryn ukudan,
Adamzady oýadýansoň ukudan,
«Habar tutuň!» diýýän aglýan çagadan,
Aglap ýüregimi daglýan çagadan.
Şol çaga diňýänçä, adamzat diňmez.
Adamzat diňýänçä, diňmez ýüregim.
Adamzat gorany hiç bir güýç ýeňmez.
Şol çagaň ýeňmegi meniň geregim,
Şol çagaň diňmegi meniň geregim.
Şol çaga diňmese, dinmez ýüregim.
Bir gün gazet okamasam galak men,
Habarym ýok dünýämiň habaryndan.
Men habar tutmaly her gün säherden, 
Dünýädäki adamlaryň baryndan.

---