Geografiya o‘qitish metodikasi” yo‘nalishi 4-bosqich talabasi abdulloyev farruxning

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI
CHIRCHIQ DAVLAT PEDAGOGIKA UNIVERSITETI
“GEOGRAFIYA O‘QITISH METODIKASI” YO‘NALISHI
4-BOSQICH TALABASI
ABDULLOYEV FARRUXNING
“O‘LKASHUNOSLIK” FANIDAN



MUSTAQIL ISHI


MAVZU: BO‘STONLIQ TUMANI O‘LKASINING TABIATINI O‘RGANISH”


TEKSHIRDI: YAKUBJANOVA SHOXSANAM
CHIRCHIQ 2023


Bo‘stonliq tumanida alohida ma’muriy-boshqaruv tizimi joriy qilindi
Prezident farmoni bilan Bo‘stonliq tumanida 2022 yil yakunigacha alohida ma’muriy-boshqaruv tizimi joriy qilinadi. Ushbu hududga bosh vazir o‘rinbosari mas’ul shaxs etib tayinlandi. Unga hududni boshqarish Direksiyasi bilan birgalikda tumanni har tomonlama rivojlantirish vazifasi yuklatildi.
O‘zbekiston prezidenti Shavkat Mirziyoyev 27 avgust kuni “Bo‘stonliq tumanida boshqaruvning alohida tartibini joriy etish orqali turizmni jadal rivojlantirish chora-tadbirlari to‘g‘risidagi” farmonni imzoladi. Bu haqda O‘zA xabar berdi.
Hujjatning boshida qayd etilishicha, yaratilgan imkoniyatlarga qaramasdan Toshkent viloyatida mavjud turizm salohiyatidan yetarli darajada foydalanilmagan, turistik infratuzilmani rivojlantirish borasidagi ishlar talab darajasida tashkil etilmagan, xizmat ko‘rsatish sohasida rivojlangan mamlakatlar darajasidan kam bo‘lmagan salohiyatga ega bo‘lsada, bugungi kunga kelib tumanni ijtimoiy-iqtisodiy rivojlantirish borasida amalga oshirilgan ishlar yetarli darajada emas hamda o‘z yechimini topmagan bir qator muammolar mavjud. Xususan:
birinchidan, tumanda mahalliy boshqaruv tizimidagi muammolar sababli, ijtimoiy infratuzilmani rivojlantirish, aholi bandligini ta’minlash, ularning turmush sharoitini yaxshilash borasida manzilli ishlar yo‘lga qo‘yilmagan;
ikkinchidan, muhandislik-kommunikatsiya tarmoqlari, shu jumladan, yo‘l, ichimlik va oqova suv tizimi, elektr tarmog‘i infratuzilmalari eskirgan va talab darajasida emas, axborot-telekommunikatsiya tarmoqlari yetarli darajada tashkil etilmagan;