Хажибакиев шухрат хужаёрович

9.3.4.1-расм. Белоруссия Республикасида муқобил энергиядан фойдаланиш кўрсаткичлари²⁹⁶

Белоруссияда “яшил иқтисодиёт”ни ривожлантиришга йўналтирилган қатор лойиҳалар амалга оширилмоқда. Жаҳон банки кредитлари ҳисобидан қиймати 40,7 млн. долларга тенг “Белорус Республикасида ўрмон хўжалигин ривожлантириш” дастури, Глобал экология жамғармасининг 2,7 млн. долларга тенг гранти, ЕИ томонидан молиялаштирилаётган қиймати 5 млн. еврога тенг “Белорус Республикасида “яшил иқтисодиёт”га ўтишга кўмаклашиш” лойиҳаси шулар жумласидандлр. Бундан ташқари Белоруссия БМТ Европа иқтисодий комиссияси, ИҲТТ, ЮНЕП ва ЮНИДО ҳамкорлигида амалга оширилаётган “Европа Иттифоқининг Шарқий ҳамкорлик мамлакатларида иқтисодиётни экологиялаштириш” лойиҳасининг фаол қатнашчиси ҳисобланади.

Белоруссия Республикасида мамлакатни 2035 йилгача барқарор ривожлантириш миллий стратегияси муҳокама қилинмоқда. Ушбу стратегияда “яшил иқтисодиёт”ни ривожлантиришга алоҳида эътибор қаратилмоқда. Жумладан, транспорт тизимини электрлаштириш даражасини 2035 йилгача 35,0%га, ялпи энергия истеъмолида муқобил энергия улушини 9,0%га, қаттиқ маиший чиқиндиларни қайта ишлаш даражасини 50,0%га етказиш каби режалар қабул қилинган (9.3.4.2-жадвал).




²⁹⁶ https://www.belstat.gov.by маълуомтлари асосида тузилган

9.3.4.2-жадвал Белоруссия Республикасини 2035 йилгача барқарор ривожлантиришнинг мақсадли кўрсаткичлари²⁹⁷

	2017 й.	2021-2025 йй.	2026-2030 йй.	2031-2035 йй.
Транспорт тизимини электрлаштириш (авто, метро, темир йўл), фоиз	...	27,0	30,0	35,0
Органик қишлоқ хўжалиги, жами қишлоқ хўжалик майдонларига нисбатан фоизда	0,01	0,5	1,0	2,0
Тикланадиган энергия, ялпи энергия истеъмолига нисбатан фоизда	6,2	7,0	8,0	камида 9,0
Иссиқхона газлари эмиссияси, минг тонна	1241	1210	1190	1170
Тозаланмаган оқова сувлар миқдорини пасайтириш, млн. м^3	4,0	3,5	2,0	0,0
Қаттиқ маиший чиқиндиларни қайта ишлаш, жамига нисбатан %	17,0	25,0	38,0	50,0
Хавфли чиқиндиларнинг тўпланиб қолиш даражаси, 2015 йилга нисбатан фоизда	12,1	20-35	35-50	50-55

Беларуссия Республикасида “яшил иқтисодиёт” бюджетдан ташқари молиялаштириш модели бўйича ривожланмоқда. “Яшил лойиҳалар”ни молиялаштириш учун мамлакат бюджетидан тўғридан-тўғри маблағлар ажратилмайди, халқаро ташкилотларнинг маблағлари соҳани молиялаштиришнинг асосий манбаи ҳисобланади. Беларуссияда “яшил иқтисодиёт” иқтисодий рецессия ҳолатларида ресурслардан фойдаланиш самарадорлигини оширишга хизмат қилувчи янги технологияларни жорий этиш орқали иқтисодий ўсишни рағбатлантириш йўналиши сифатида қаралмоқда.