Халқаро муносабатларда иккиламчи санкциялар омили хусусида

Бундан ташқари АҚШга тегишли бўлмаган шахсларга нисбатан амалиётда қўлланилган иккиламчи санкциялар сони йилига кўпайиб бормоқда.
Хусусан Банк оф Дандонг: 2017 йилда АҚШ Хитойда жойлашган Дандонг Банкига Шимолий Корея ҳукумати учун пул ювиш оператсиясида иштирок этгани учун чора кўрди. АҚШ молия вазирлиги Дандонг банкини АҚШ молия институтлари билан савдо қилишни тақиқлаб, жазолади. Нафтиран Интертраде компанияси: 2010 йилда Эрон миллий нефт компаниясининг Швейтсариядаги шўъба корхонаси Эроннинг ядровий дастури бўйича ортиб бораётган хавотирга жавобан АҚШнинг иккиламчи санкцияларига дучор бўлди. Бироқ, 2015 йилда Қўшма кенг қамровли ҳаракатлар режаси (ЖCПОА) қабул қилингандан сўнг, АҚШ Эронга нисбатан иккинчи даражали санкцияларни бекор қилди. Eрон санкциялари тикланди: 2018 йилда АҚШ ЖCПОАдан чиққанидан кейин Эронга қарши санкциялар дастурини тиклади. Шунингдек, у энергия, қимматбаҳо металлар, молиявий хизматлар, дастурий таъминот ва озиқ-овқат импорти каби қатор соҳаларда Эрон билан савдо қилувчи америкалик бўлмаган шахсларга нисбатан иккиламчи санкцияларни тиклади. СДН рўйхатига минглаб Эрон фуқаролари ҳам қўшилди.
Қолаверса иккиламчи санкциялар қонунбузарлик қилган компанияларга нисбатан пул жазолари механизми орқали ҳам амалга оширилади.
Ушбу чора санкцияларни блокировка қилишдан кўра юмшоқроқ ва мослашувчанроқ. Жарималарнинг мақсади компаниялар фаолиятини тўхтатиб қўйиш эмас, балки санкциялар режимини бузиш ҳолатларини тўхтатишдир. Кўпроқ жарималар АҚШ санкцияларини қасддан бузишда илгари кузатилмаган тизимли корхоналарга нисбатан қўлланилади.
Банклар энг заиф ҳолатда, чунки улар ўзларининг молиявий хизматларини тақдим этиш орқали бутун иқтисодиётда кўприк ролини ўйнайди. Кўпинча Эвропа банклари ва компаниялари АҚШ томонидан жаримага тортилади, кейинчалик улар АҚШ регулятори томонидан қўйилган катта жарималарни тўлашга мажбур бўлади.
Масалан, энг йирик француз банки БНП Парибас 2004 йилдан 2012 йилгача бўлган даврда Судан, Эрон ва Кубадаги санкцияланган шахслар ва компаниялар билан оператсияларни амалга оширди. Мисол учун, Суданда ноқонуний тўловлар инсон ҳуқуқларининг бузилиши ва терроризмга алоқадорлиги учун нишонга олинган шахслар томонидан амалга оширилган. Франсия банки айбига иқрор бўлди ва АҚШ расмийларига 9 миллиард доллар жарима тўлаган.
Маълумот учун: МАҚШнинг жорий санкция режимларининг асосий мувофиқлаштирувчи органи Ғазначилик департаментига бўйсунувчи Хорижий активларни назорат қилиш идораси (ОФАC) ҳисобланади.