Hayotning 101 qoidasi Uzbekistan 978-613-9-45185-2

22. 
Ko’proq tavakkalchi bo’ling
 
 
Men sizga shu narsani va’da berishim mumkinki, o’limingizdan oldin, hayotingizning 
shom vaqtida yetarlicha tavakkalchi bo’lmaganingizga afsuslanasiz. Yuragingizni afsus 
va nadomat bilan to’ldirgan narsa barcha qo’rquv, xavf-xatar bilan yuzlashmaganingiz 
va shu orqali keladigan imkoniyatdan foydalanmaganingizdan bo’ladi. Bir narsani 
yodingizda saqlang: Qo’rquvning boshqa tomonida ozodlik turadi. Va yana bir narsa – 
doimiy muvaffaqqiyat prinsipidan e’tiboringizni chetlashtirmang: Hayot raqamli 
o’yindan boshqa narsa emas. Qancha tavakkal qilsangiz, shuncha mukofot olasiz. Yoki 
Sofoklning fikrlariga qarasak: “Baxt – qo’rqoq va yuraksiz qalblarda bo’lmaydi”.
Hayotingizni yana ham to’la-to’kis yashash uchun ko’proq tavakkal qiling, o’zingiz 
qo’rqadigan ishlarni bajaring. O’zingizni noqulay his qiladigan sohalarda qulayliklar 
yaratishga urining. Kamroq qarshiliklar keltiradigan yo’ldan borishni to’xtating. 
Aminmanki, oyoqlaringiz bilan hech kim yurmagan joydan yurib qiynalishingiz 
mumkin, ammo bu barcha yo’llarga olib boruvchi yagona yo’l bo’ladi. Xuddi oyim 
aytganlaridek: “Sen hech qachon 2-darajadan 3-darajaga bir oyoqda chiqolmaysan”. 
Yoki Andre Gide aytganidek: “Hech kim sohillar joylashuvini uzoq vaqt va bir necha 
marotaba yo’qotib qo’ymasdan yangi joylarni kashf etolmaydi”.
Yaxshi yashashning haqiqiy siri bu – hayotda o’zingiz uchun himoya qatlamini 
qidirishdan,vaqtingizni imkoniyatlarni quvishga sarflashdan to’xtatishdir. Albatta, siz 
yana ham jo’shqin va qizg’in yashashni boshlaganingizdan, omadsizliklarga duch

---

25
kelasiz. Ammo, omadsizlik yoki muvaffaqqiyatsizlik qanday qilib yutishni o’rgatadigan 
darsdan boshqa narsa emas. Bir kuni dadam aytganlaridek: “Robin, shox-shabbaga 
chiqish xatarli, lekin unda ko’plab mevalar mujassamdir”.
Dastlabki darslarimda aytganimdek hayotning umuman o’zi imkoniyatlardir. O’ziga 
to’q aktual insonlar shunchaki boshqalarga nisbatan xavf - xatarli ammo foydali 
imkoniyatlarni egallaydi. Siz hayotingizning qolgan kunlarini dengiz sohilida sokinlikda 
o’tqazishingiz yoki suvga tushib, sizni haqiqiy jasoratni kutib yotgan dur-u
marvaridlarni olishingiz mumkin. O’zimni ana shunday ruhlantirish va maqsadlarimdan 
uzoqlashib ketmaslik maqsadida (o’zim qo’ygan chegaralarni kengaytirish) Teodor 
Ruzveltning quyidagi so’zlarini yozib qo’yganman:
“Kuchli odam ham xato qiladi, qoqiladi deb o’ylab qo’yaveradigan, shuning uchun ham 
o’zi hech nima qilmaydigan insonning ishlari hisobga kirmaydi. Olqishlar, maqtovlar - 
davrada turgan insonga tegishli. Yuzlari chang, qora ter va qonga to’lgan, jasurona, 
qo’rqmasdan harakat qilayotgan, xatolar qilib, ammo ularni qisqartirib borgan, katta 
ishtiyoq, o’zini bag’ishlash qanaqaligini bilgan insonga tegishli. O’zini arzirli sababga 
hadya qiladigan, oxirida muvaffaqqiyatli g’alabaga erishishini biladigan insonga 
tegishli. U shu darajada qadr - qimmatli insonki, mobodo biror maqsadga erishish 
jarayonida yiqilsa, kamida omadsizlikka duch kelsa, aynan o’sha harakati, jur’ati uchun 
na g’alaba va na kurashishni bilgan qo’rqoq, sovuq qalblar bilan hechqachon uning 
o’rni birga bo’lmaydi”.