Хомила ичи ўсиининг орқада қолиши. Туғруқда ҳомила дистресс синдроми. Кам вазнли чақалоқ. Янги туғилган чақалоқларнинг реанимация асослари

Чақалоқ асфиксияси
Бу ташқи муҳитда яшашга мослашиш механизмларининг бузилиши билан боғлиқ патологик ҳолат бўлиб, нафас олмаслик ёки самарасиз нафас олиш билан, қон айланишнинг бузилиши ва марказий асаб тизимининг асаб-рефлектор фаолиятининг сусайиши билан намоён бўлади.
Этиологияси.
Асфиксияга олиб келувчи сабаблар гипоксиядагидек.
Орттирилган, иккиламчи неонатал асфиксия қоғаноқ сувлари билан аспирация бўлганда, пневмопатияларда, бош ва орқа мия жароҳатида, туғма юрак нуқсонларида, диафрагмал чурраларда, метаболик бузилишларда (гипогликемия) ҳамда ҳомила ва чақалоқнинг бирламчи гипоксиясини нотўғри даволаганда кузатилади.
Патогенези.
Сурункали ҳомила гипоксияси билан ўхшаш.
Клиникаси.
Апгар (1950) й. 1 ва 5 дақиқадан сўнг чақалоқнинг юрак уриши, нафас олиши, тонуси, рефлекслари ва терисининг рангини баҳолайди.

	ТАДБИРЛАР:
I - даража 6-7 балл	«кенгуру» ҳолати, бурун халқум йўлларини шиллиқдан тозалаш, онаси билан бирга бўлиши
II - даража 4-5 балл	I босқич тадбирлари ва қўшимча: агар аспирация қилинса, интубация ва шиллиқдан тозалаш, ниқоб ёрдамида ёрдамчи вентиляция; Глюкоза 10-20 % -5,0 1 кг/тана вазнига + кокарбоксилаза 8 мг. 1 кг/тана вазнига
III - даража 1-3 балл	Шиллиқни сўриб олиш; интубация трахея ва бронхларни тозалаш; Глюкоза10-20 % -5,0 1 кг/тана вазнига + кокарбоксилаза 8 мг. 1 кг/тана вазнига+ преднизолон 1-2 мг/кг ёки гидрокортизон 5 мг/кг, сода 4%-2,5 мг/кг. Брадикардия (80дан кам) юрак массажи; глюконат кальций 10% 2-3 мл. Узайтирилган ЎСВ. Гормонларни глюконат кальций билан такрорлаш + агар юракда муаммо бўлса, 0,1% адреналин