Хоразм маъмун академияси ахборотномаси

Материаллар ва услублар. Ушбу лаборатория тадқиқотлари ЎзР ФА Генетика ва 
ўсимликлар экспериментал биологияси институти “Ғўзанинг экспериментал полиплоидияси 
ва филогенияси” лабораториясида амалга оширилди. 
Тадқиқот материаллари. Ўсимлик намуналари. Тадқиқотда ғўзанинг қуйидаги ёввойи 
тетраплоид ва диплоид турлари, кенжа тур вакиллари ва шаклларидан фойдаланилди; (1) 

---

XORAZM MA’MUN AKADEMIYASI AXBOROTNOMASI –6-1/2023___________ 
213
subsp. africanum, (2) subsp. pseudoarboreum, (3) subsp. frutescens, (4) subsp. еuherbaceum 833 
нави, (5) G.arboreum А-352 нави, (6) G.arboreum nanking оқ толали, (7) G.arboreum nanking 
новвотранг толали, (8) G.hirsutum subsp. mexicanum, (9) var. nervosum, (10) G.mustelinum Miers 
ex Watt.
Тадқиқотда фойдаланилган усуллар. Ёввойи ғўза турлари чигитларининг майдалиги, 
сонининг камлиги ва қаттиқ «тошсимон» қобиққа эга эканлиги сабабли, бу уруғларни 
тўғридан-тўғри очиқ дала шароитида экиб ундириш жуда қийин. Шунинг учун уруғларни 
униб чиқишини тезлаштириш мақсадида, микропиляр қисмидан стратификация қилиниб, 
калий перманганат (KMnO
4
) моддасининг кучсиз эритмаси ҳамда дистилланган сувда ювилди. 
Уруғлар фильтр қоғози қўйилган Петри идишида +27+33ºС иссиқликдаги термостатда 24 соат 
муддатга қўйиб, ундирилди. 
Униб чиққан уруғлар апрель ойининг ўрталарида таркиби тупроқ, қум ва гумус (1:1:1 
нисбат) дан иборат аралашма билан тўлдирилган махсус қоғоз тувакчаларга экилди ҳамда 
униб чиқиш қуввати ва ривожланиши кузатиб борилди. Чинбарг ҳосил қилган ниҳоллар қоғоз 
идишчалари билан бирга, идишчанинг пастки қисмини олиб ташлаган ҳолда Вагнер идишлари 
(сосуд) га ўтказилди (1-расм). 
1-расм. Намуналарни экишга тайёрлаш ва вегетация даври босқичлари