Amir Olimxon islohotlari. Amir Abdulahaddan so‘ng Buxoro taxtini uning o‘g‘li Sayid Olimxon (1910-1920) egalladi. Uni 1893-yilda otasi Peterburgga o‘qishga jo‘natdi.
Amir Olimxon qo‘lidagi rus sanoat banklari aksiyalarining qiymati 33 million so‘m edi.
Fathobodda bo‘lgan dastlabki to‘qnashuvda amir Olimxon qo‘shinlari yengilsa ham keyinchalik buxoroliklar Kolesov otryadini qurshab olishdi. Karmanadan Qorako‘lgacha bo‘lgan 170 km masofadagi temiryo‘l izlari amir sarbozlari tomonidan buzib tashlandi. Buxoroliklar shahar himoyasiga qo‘zg‘aldi. F.Kolesov 1918-yil 5-mart kuni kechqurun Toshkent tomonga chekinishga buyruq beradi. 1918-yil 17-martda Kolesov otryadi bilan Samarqandga yetib keldi.
Amir Olimxon ixtiyorida 15 000 sarboz, 55 ta eski to‘p va 12 ta pulemyot bor edi, xolos.
Amir Olimxon shahar obidalari va aholini omon saqlash maqsadida poytaxtni tashlab, Sharqiy Buxoroga chekingan. 1920-yil 2-sentyabrda qizil armiya tomonidan Buxoro shahri egallangan. Buxoroda amir hokimiyati ag‘darildi va Yosh buxoroliklar hokimiyat tepasiga kelishdi.
1920-yil sentyabr oyida Sharqiy Buxoroga kelgan sobiq amir Olimxon katta kuchlar to‘plab, qizil armiyaga qarshi kurashga rahbarlik qildi.
| 
