|
I.3. Mis (II) gidroksidining xossalari.
Mis (II) gidroksid ikki valentli mis tuzlari eritmalariga ishqorlar ta’sir ettirilganda havo rang iviq massa holida cho’kadi. Mis (II) gidroksid amorf, ro’mbik va kristalik tuzilishga ham ega (а = 0,2949 nm, b = 1,059 nm, с = 0,5256 nm, z = 4). Zichligi 3.37 g/sm3 . Reaksiyada olingan Mis (II) gidroksid kuchsiz qizdirilgandayoq (70o C temperaturada) hatto suv ostida ham ajralib ketib ( parchalanib), qora mis ikki oksidga aylanadi. Mis (II) gidroksid suvda yomon eriydi.
Cu(OH)2 = CuO + H2O
Olinishi;
Mis (II) gidroksid quyidagi usullarda olinadi;
Mis gidroksidni olish: mis gidroksidni, uning oksidini suvda eritib olib bo’lmaydi. Shuning uchun uning biror tuzi eritmasiga o’yuvchi natriy yoki o’yuvchi kaliy eritmasidan qo’shish yo’li bilan mis gidroksid olinadi.
Bir probirkaning uchdan bir qismiga misning biror tuzi eritmasidan olib, uning ustiga natriy ishqoridan quying, havo rangli cho’kma hosil bo’ladi.
Cu(NO3)2+2NaOH=Cu(OH)2 + 2NaNO3
CuCl2 + 2NaOH = Cu(OH)2↓ + 2NaCl;
[Cu(NH3)4]SO4 + 2NaOH = Cu(OH)2↓ + 4NH3 + Na2SO4.
CuSO4+2(NH3∙H2O)= Cu(OH)2+(NH4)2SO4
Mis (II) gidroksid (Cu(OH)2) NaOH ning kuchli konsentrlangan eritmalarida erib, kuprit kislota hosil qiladi. Eritmada suyultirilgan kupritlar parchalanib Cu(OH)2 ajraladi.
Na2CuO2 + 2H2O = Cu(OH)2 + 2NaOH
Na2[Cu(OH)4] = 2NaOH + Cu(OH)2
Mis kukunlaridan suvli muhitda kuchli oksidlovchilar ta’sirida mis (II) gidroksid hosil qilinadi.
Cu + O` + HOH = Cu(OH)2
Do'stlaringiz bilan baham: | 
